Biologët e rinj më të mirë bullgarë marrin pjesë në Olimpiadën Ndërkombëtare të Biologjisë, e cila mbahet në Emiratet e Bashkuara Arabe. Ekipi ynë kombëtar i përbërë nga Viktorija Ivanova, Petër Zhotev, Viktor Lillov dhe Jana Atanasova do të masë forcën dhe njohuritë me afro 320 bashkëmoshatarë nga mbi 80 shtete, njoftoi Shoqata e Ekipeve Olimpike në Shkencat Natyrore. Olimpiada Ndërkombëtare e Biologjisë është konkursi më prestigjioz i biologjisë për nxënës nga e gjithë bota. Që nga viti 1990, pjesëmarrësit bullgarë kanë fituar gjithsej 75 medalje - 8 të arta, 15 të argjendta dhe 52 të bronzta, si dhe 8 certifikata nderi.

Fituesi i medaljes së argjendtë nga Olimpiada e vitit të kaluar Petër Zhotev u pranua student i shkencave natyrore në Kembrixh.