Ministri i Bujqësisë Kirill Vëtev paraqiti problemet e Bullgarisë lidhur me lulediellin dhe qumështin pluhur në Këshillin e Bujqësisë të BE-së në Bruksel. Në Bullgari pritet një korrje e mirë, por për shkak të importit të lirë të lulediellit dhe vajit nga Ukraina në vitin 2022 ka 700 000 tonë luledielli të vjetër në magazinë.

• Po fillon fushata e korrjes

Pritet një rritje e re e importeve ukrainase, paralajmëroi Vëtev, nëse kapacitetet në Bullgari dhe vendet fqinje nuk janë në gjendje të përpunojnë sasitë e rritura dukshëm. Vëtev theksoi se këtë vit kemi të korrat më të shtrenjta në Evropë dhe logjistika është ndryshuar totalisht që nga lufta në Ukrainë. Ai kërkoi përmirësimin e tranzitit të grurit ukrainas përgjatë "korridoreve për solidaritet" dhe mbrojtje për prodhuesit bullgarë.