Bullgaria shënon 146 vjetorin e Epopesë së Shipkës me iniciativa të ndryshme. Një nga betejat më heroike dhe vendimtare gjatë Luftës Çlirimtare Ruso-Turke në vitet 1877-1878 ishte për Grykën e Shipkës. Betejat e zhvilluara në gusht të vitit 1877 midis mbrojtësve të grykës dhe ushtrisë turke hynë në historinë bullgare nën emrin e Epopesë së Shipkës.

Në orën 11:00 në majën Shipka, Presidenti dhe Komandant Suprem i Forcave të Armatosura, Rumen Radev, do të presë formacionin e kompanive përfaqësuese nga njësia e Gardës Kombëtare, do të vendosë kurorë me lule para Monumentit të Lirisë dhe do t’i bëjë homazhe kujtimit të të vdekurve për Çlirimin e Bullgarisë.

Nga ora 12 dhe nga ora 13:00 do të ketë rikrijime të Betejës për majën Orllovo Gnezdo (Fole e Shqiponjës). Për nder të përvjetorit janë të planifikuar gjithashtu një numër marshime turistike.

• Maja Shipka është sinonim i Bullgarisë dhe i lirisë