Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgarët në Azerbajxhan janë një urë lidhëse në marrëdhëniet dypalëshe

Maria Gusejnova për meritat e paprecedentë të Gejdar Alijevit në zhvillimin e marrëdhënieve bullgaro-azerbajxhanase

Maria Gusejnova dhe vajza e saj Diana Alizada në studion e Radio Bullgarisë
Foto: Desisllava Semkovska

Megjithëse Bullgaria është ndër vendet e para që njohu pavarësinë e Republikës së Azerbajxhanit në vitin 1991 dhe vendosi marrëdhënie diplomatike me të, pikërisht vizita zyrtare e presidentit të atëhershëm Gejdar Alijev në vendin tonë katër vjet më vonë u bë një pikë kthese në marrëdhëniet midis dy shteteve. Më pas u nënshkrua një traktat për marrëdhënie miqësore dhe bashkëpunim dhe filloi puna aktive në të gjitha sferat. Sot veprën e liderit kombëtar të popullit azerbajxhanas e vazhdon pasardhësi i tij Ilham Alijev dhe fondacioni “Gejdar Alijev” dhe lidhja e fortë mes dy popujve është komuniteti bullgar atje, si dhe kryetarja e palodhur e Shoqatës Publike "Mbështetja e zhvillimit të miqësisë Azerbajxhano-Bullgare" Maria Gusejnova.

"Gejdar Alijev luajti një rol të madh për të gjithë popullin azerbajxhanas, përfshirë bullgarët në Azerbajxhan - për pavarësinë e tyre, ruajtjen e gjuhës, zakoneve dhe traditave bullgare. Ai krijoi kushtet që bullgarët të jetojnë në një Azerbajxhan të pavarur, laik, të kenë të njëjtat të drejta dhe detyrime si çdo qytetar i vendit - të drejtën për jetën, për kombësinë, për gjuhën. Konfirmimi i fjalëve të mia për atmosferën e qetë miqësore - thotë Maria Gusejnova - është politika e Gejdar Alijevit për pakicat kombëtare, vlerat e tyre shpirtërore dhe konkretisht bullgarët në Azerbajxhan. Që nga viti 2005 botojmë një revistë ndërkombëtare në bullgarisht "Akord", në të cilën flasim për politikën, ekonominë, kulturën dhe historinë e dy kombeve. Dhe nuk kemi hasur në asnjë pengesë në botimin e saj në bullgarisht”.

Gejdar Alijev gjithmonë ka theksuar se "lidhjet kulturore dhe shkencore kanë një ndikim të madh në forcimin e marrëdhënieve miqësore midis dy vendeve". Dhe jo rastësisht në vitin 2015 fondacioni “Gejdar Alijev” zgjodhi qytetin bullgar Veliko Tërnovo për investimin e parë të Azerbajxhanit në fushën e kulturës në Evropën Lindore, duke marrë pjesë në restaurimin e Rezervatit Arkitekturor Muzeor “Trapezica”.


Bullgarët dhe azerbajxhanasit kanë shumë gjëra të përbashkëta - mikpritjen, kuzhinën, tolerancën ndaj popujve dhe feve të tjera. Marrëdhëniet mes dy popujve janë shumë të ngrohta dhe janë një bazë e nevojshme për forcimin e marrëdhënieve tona miqësore. Këto dy vende janë shumë afër meje. Bullgaria është atdheu historik i të parëve të mi, unë kam lindur dhe jetoj në Azerbajxhan dhe sa herë që takoj bullgarë po them: “Unë jam bullgar azerbajxhanas”. Dhe e them me krenari”.

Një shembull tjetër tregues i qëndrimit ndaj arritjeve dhe talenteve vendase është emërimi i bullgares Mariana Vasileva, kryetrajnere e ekipit kombëtar të gjimnastikës ritmike të Azerbajxhanit, si zëvendësministre e rinisë dhe sporteve të Azerbajxhanit.

Mariana Vasileva
Përgatiti në shqip: Vesella Mançeva

Foto: Desisllava Semkovska, museumvt.com, azerforum.com



Последвайте ни и в Google News Showcase, за да научите най-важното от деня!

Më shumë nga rubrika

Darko Anaçkov

Darko Anaçkov: Ne po punojmë për të kapërcyer paragjykimet ndaj bullgarëve në Serbi

Një hap përpara, dy mbrapa - i tillë është hapi i vallëzimit të marrëdhënieve bullgaro-serbe sipas Darko Anaçkov, kryetar i organizatës së vetme bullgare në qytetin e Vranjës. Në një intervistë për Radio Bullgarinë, ai e cilësoi nivelin aktual të..

botuar më 25-03-10 7.30.PD

Mbi 4000 studentë nga e gjithë bota duan një stazh në institutin INSAIT në Sofje

Studentë nga universitete elitare nga e gjithë bota paraqitën aplikime për një stazh veror në Institutin për Shkenca Kompjuterike, Inteligjencë Artificiale dhe Teknologji (INSAIT) pranë Universitetit të Sofjes. Mes tyre janë mbajte të medaljeve nga..

botuar më 25-03-06 2.12.MD

Rrethi i Jetës: Si Rodopet Lindore u bënë një model për një ekosistem të rimëkëmbur

Rodopet Lindore janë një nga vendet e pakta në Evropë ku ekuilibri natyror është rikthyer pothuajse në gjendjen e tij dy shekuj më parë. Këtu, ekosistemet funksionojnë natyrshëm. Me fjalë të tjera, kafshët dhe bimët bashkëjetojnë në harmoni, pa..

botuar më 25-03-05 7.20.PD