42 parti dhe 8 koalicione paraqitën dokumentet për pjesëmarrje në zgjedhjet lokale. U regjistruan 24 parti dhe 3 koalicione. Për pjesën tjetër po kontrollohen nënshkrimet e zgjedhësve dhe dokumentacioni shoqërues. Regjistrimi do të përfundojë deri më 13 shtator, tha zëdhënësja e Komisionit Qendror të Zgjedhjeve, Rosica Mateva.

Tashmë dokumentet e tyre paraqitën Lëvizja për të Drejtat e Liritë (DPS) dhe Partia Socialiste Bullgare (BSP). Bashkimi i Forcave Demokratike (SDS) u regjistrua si parti e pavarur, por në shumicën e komunave do të marrin pjesë në koalicion me GERB-in. Për votim u regjistruan edhe “Vëzrazhdane” dhe “Shpëto Sofjen”. Më 12 shtator, koalicioni “Po e vazhdojmë ndryshimin - Bullgaria Demokratike” do të prezantojë kandidatët e tij për pushtetin lokal në vend.

Zgjedhjet do të mbahen më 29 tetor. Fushata zgjedhore nis më 29 shtator.