Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

(Foto) pamje nga bota e përkthyeses Zhasmina Panajotova në Suedi

16
Foto: Zhasmina Panajotova

Zhasmina Panajotova është një bullgare që jeton prej 35 vitesh në Suedi. Ajo është përkthyesja e parë e betuar nga suedishtja në bullgarisht dhe punon në sferën sociale, në gjykatë, në polici, në spital...

Megjithatë, në kohën e lirë, kamera e telefonit të saj e kthen atë në një fotografe amatore me një ndjenjë të mprehtë ndaj bukurisë së botës përreth nesh dhe, mbi të gjitha, të natyrës. Fotografitë e saj zgjojnë ëndrrat dhe na bëjnë të soditim.

Pamjet, që kap ajo me kamerën e telefonit janë më të ndryshmet - perëndimet nostalgjike, agimet e heshtura plotë shpresë, detin me nuancat e tij të ndryshme të pafundësisë magjepsëse, natyrën e egër që është një hap larg nesh - pemët, lulet, lejlekët, çafkat, pilivesat, drerët...

“Përkthimet e mia lidhen me situata mjaft traumatike, dhe fotografia për mua është një lloj ikje nga ky realitet, që më ofron profesioni”, pranon bashkëbiseduesja jonë.

Më 1 nëntor, ajo hapë ekspozitën e vet të dytë personale në Suedi, e cila do të zgjasë gati një muaj - deri më 26 nëntor.

“Ekspozita ime me moton “Shikoni botën” u rregullua në Varberg, në qendrën kulturore të këtij qyteti të vogël suedez, popullsia e të cilit është 36 mijë njerëz - thotë Zhasmina Panajotova. – Ekspozita është e vendosur në sallën hyrëse të bibliotekës. Në të prezantoj 26 nga fotot e mia, duke shpresuar që me to të sjell pak dritë dhe ngrohtësi në muajin më të errët të vitit këtu - nëntorin."

Pamjet përfaqësojnë kryesisht natyrën suedeze - pyje, lule, mjellma, flutura, por gjithashtu - me një hark ndaj qytetit që priti ekspozitën - ka edhe pamje nga Varberg. “Ne jemi të lidhur me të. Kemi një vilë verore jo shumë larg qytetit dhe jemi shpesh aty”, shpjegon Zhasmina dhe shton:

"Ka një surprizë të vogël në këtë ekspozitë. Në të vendosa të përfshij tri tablo bojëra uji të krijuara nga një bullgare - Ani Dojkina. Ajo është shoqja ime në Facebook, e cila i ndjek prej kohësh fotot e mia. Me sa duket, ajo mori frymëzim prej tyre dhe krijoi këto tablo. Në përgjithësi, ne të dy krijojmë dhe rikrijojmë bukurinë rreth nesh, secila në mënyrën e vet. Meqenëse Ani më preku kaq shumë me këtë ide të saj për të rikrijuar fotot e mia, dua t'ia kthej gjestin. Vendosa spontanisht se ishte e drejtë që publiku suedez të prekte talentin e saj.”

Zhasmina Panajotova dhe Ani Dojkina në takimin e tyre të parë në Sofje

Në prezantimin e ekspozitës, organizatorët theksojnë se veprat e Zhasmina Panajotovës janë një lloj kërkimi për harmoninë, ekuilibrin dhe horizonte të reja. Prandaj e pyes, a është e lehtë për një shpirt bullgar të gjejë ekuilibrin në tokën suedeze. Ajo qesh si përgjigje dhe me shkathtësi e hedh topin në fushën e natyrës:

"Për mendimin tim është e lehtë. Mendoj se natyra nuk ka kombësi. Është universalisht e bukur kudo që është dhe i përket të gjithëve."

Natyra është ajo që e tërheq në mënyrë të papërmbajtshme edhe gjatë kthimeve të saj të shpeshta në Bullgari. Prandaj nuk habitem kur pyetjes sime, ku në vendin tonë ndihet më shumë si në shtëpinë e vet, ajo iu përgjigj:

"Ka vende ku ndihem rehat - kur ngjitem në mal, në Pirin, në Vitosha. Aty ndihem si në shtëpi".


Përgatiti në shqip dhe publikoi: Svetllana Dimitrova 

Foto: Zhasmina Panajotova



Последвайте ни и в Google News Showcase, за да научите най-важното от деня!

Më shumë nga rubrika

Mbreti Boris III (1894-1943)

Mbreti bashkues Boris III në kujtimet e djalit të tij Simeon Sakskoburggotski

Mbushen 131 vjet nga lindja e Mbretit Boris III, i cili mbeti në kujtesën bullgare me përkufizimin që i dha populli dhe historia - Bashkues. Boris Sakskoburggotski qëndroi në krye të vendit pas abdikimit të Mbretit Ferdinand pas disfatës së..

botuar më 25-01-30 6.55.PD
Elena Doskova-Ricardi

Elena Doskova – Ricardi shkruan emrin e saj në histori si bullgarja e parë që këndoi në La Scala

Elena Doskova – Ricardi magjepsi kryedirigjentin e La Scala, Arturo Toscanini me zërin e saj prej sopranoje aq sa magjik, po aq edhe dramatik, temperamentin e zjarrtë dhe tonin e pastër, që e kthyen atë në një këngëtare operistike të klasit të parë. Nën..

botuar më 25-01-28 7.25.PD
Mbi pesë kuaj në Berlin, 1912

Llazar Dobriç mbetet i vetmi artist i cirkut që realizoi "Trapezin e vdekjes"

"Para se të shpikja "Trapezin e vdekjes", quhesha Llazar Dobriç dhe kështu më shkruanin nëpër postera dhe nëpër programe”. Mjeshtri i artit botëror të cirkut do të mbahet mend gjithmonë për trukun më të rrezikshëm në ring – me dorën e shtrirë drejt një..

botuar më 25-01-19 9.30.PD