Si shenjë vlerësimi të rolit të rëndësishëm afatgjatë në promovimin e gjuhës dhe kulturës bullgare në Sllovaki dhe të ruajtjes së marrëdhënieve të mira dypalëshe, Ilijana Jotova ia dorëzoi pllakën e nderit të nënpresidentit shkollës së mesme bullgare "Hristo Botev" në Bratislavë. Nënpresidentja ishte e ftuar në festën solemne të 75 vjetorit të shkollës.

"Sot është një festë dhe shkas për të ndier një krenari të madhe - një shkollë bullgare në qendër të Evropës, e cila tërheq gjithnjë e më shumë fëmijë, mbush 75 vjet", theksoi Nënpresidentja Jotova në urimin e saj. Ajo vuri në dukje kujtimet që ruan nga hapja e vitit jubilar shkollor në vitin 2018 me rastin e përvjetorit të 70 të shkollës. “Mbaj mend edhe fjalët e ministrit të atëhershëm të arsimit të Sllovakisë se shkolla bullgare është një nga më të mirat në kryeqytetin sllovak”, tha nënpresidentja.

• Shkolla bullgare në Bratislavë mbushi 70 vjet

• Bullgarët në Sllovaki janë një komunitet i vogël, por i lidhur ngushtë me njëri tjetrin