Shkolla e së dielës "Vasill Levski" është themeluar në vitin 2006 dhe është më e vjetra nga 5 shkollat bullgare në kryeqytetin francez. Edhe kur e kalojnë për herë të parë pragun e saj, fëmijët mësojnë se kush është Apostulli i Lirisë, sepse portreti i tij zë vend nderi në të gjitha ceremonitë festive në shkollë. Dhe çdo vit, edhe pse 19 shkurti përkon me pushimet dimërore të shkollave franceze, nxënësit vendosin lule para basorelievit të shenjtorit të tyre mbrojtës në fasadën e Ambasadës Bullgare, duke recituar poezi të mësuara në orët e letërsisë bullgare. Për arsyen se pse kanë zgjedhur pikërisht Levskin si patron të shkollës, mësojmë nga Kalina Sallomon, presidente nderi e "Shoqatës Shkolla Bullgare në Paris":
"Ju e dini se Vasill Levski është personi më i ndritur në historinë bullgare, por ai gjithashtu ka një identitet evropian - diçka që shumica e heronjve bullgarë nuk e kanë - është gjithçka që ka ka të bëjë me vëllazërimin, barazinë, lirinë, etj. Për më tepër, Levski shpesh përmend Francën në letrat e tij dhe frymëzohet nga idealet e Revolucionit Francez dhe mund të them që fëmijët janë të etur për informacion, ata reagojnë me sinqeritet dhe admirim për gjithçka që ata mësojnë për Bullgarinë. Krijimi i një lidhjeje me Bullgarinë kalon edhe përmes punëtorive të ndryshme, ku ata vijnë në kontakt me kulturën tonë, përmes vallëzimeve, këngëve, festave, zakoneve - survakane, Krishtlindjen, ngjyrosja e vezëve, etj. “, shpjegon Kalina Sallomon.
Vëmendje e veçantë i kushtohet patronit të shkollës. Për nxënësit e klasës së dytë dhe të tretë, ora e mësimi për Apostullin e Lirisë përfundon me një shëtitje virtuale në muzeun Vasill Levski në Karllovo. Ndërsa në kuadrin e një punëtorie praktike pas orës së mësimit, fëmijët bëjnë një dosje interaktive për jetën dhe punën e patronit të tyre, mësojmë nga Biserka Ivanova - mësuese e klasave të dyta dhe të treta në shkollën bullgare.
"Shumica e fëmijëve kanë lindur jashtë vendit, por kanë lidhje me Bullgarinë, sepse shpesh i kalojnë pushimet atje. Dhe është shumë interesante që, në varësi se nga cila pjesë e Bullgarisë janë, ata e dinë historinë e vendlindjes së tyre apo të prindërve dhe tregojnë me krenari atë që kanë mësuar gjatë pushimeve. Në këtë kuptim, ata janë të lidhur me Bullgarinë dhe me historinë bullgare. Ndodh që fëmijët të paracaktojnë temat për të cilat do të flasim në klasë. Dhe kur e ndjej se kanë njohuri dhe interesim për një temë të caktuar, mësimi kthehet në një drejtim tjetër”, thotë Biserka Ivanova për Radio Bullgarinë.
Rreth 70-90 fëmijë ndjekin mësimet dhe punëtoritë e ndryshme të shkollës "Vasill Levski" në Paris, fizikisht ose në distancë. “Me më të vegjëlit rëndësi u kushtojmë lojërave, këngëve, vënieve skenike, sepse orët bëhen në ditët e pushimit dhe për ne është e qartë që duhet të thyejmë kuadrin e rreptë didaktik për të mos i mbingarkuar. Çdo moshë ka një durim të caktuar për marrjen e informacionit”, shpjegon Biserka Ivanova dhe shton se fëmijët janë shumë të motivuar për arsimimin e tyre bullgar:
"Kjo nis nga familja, nga marrëdhënia që kanë me Bullgarinë dhe ky është motivi i parë - të mund të komunikojnë plotësisht në bullgarisht kur janë me pushime, të kuptojnë atë që shohin, të flasin për atë që kanë përjetuar. Edukimi patriotik jashtë vendit fillon me shkronjën e parë, me këngën dhe poezinë e parë që fëmija mëson për Bullgarinë. Sepse nëse nuk është gjuha, lidhja humbet”, përfundon Biserka Ivanova.
Falenderojmë shkollën bullgare "Vasill Levski" në Paris për gatishmërinë për të marrë pjesë në nismën e Radio Bullgarisë "Për Levski" me rastin e 150 vjetorit të vdekjes së Apostullit, duke na dërguar foto dhe video të orëve të mësimit për Bullgarinë që ata zhvillojnë me nxënësit.
Lexoni më tepër:
Foto: Shkolla bullgare "Vasill Levski" në Paris
Përktheu në shqip dhe publikoi: Kostandina Bello
Edhe këtë vit Agjencia Ekzekutive për Bullgarët Jashtë Shtetit do të prezantojë çmimin vjetor "Bullgarja e Vitit - Shën Zllata Mëglenska 2023" në një ceremoni zyrtare që do të mbahet në tetor. Për çmimin prestigjioz janë nominuar 24 bashkatdhetare..
Pjesa e vendit tonë më e kërcënuar nga përmbytjet është Bullgaria Veriore. Këtë e tregojnë të dhënat në të dy skenarët për një rritje të temperaturave mesatare - me 3,9 dhe me 2,5 gradë deri në vitin 2100, sipas parashikimeve të Panelit Ndërqeveritar..
Një numër rekord - 600 "luftëtarë" janë të dislokuar në bazën ajrore Uzunxhovo, dhe rasti nuk është një konflikt ushtarak, por festimi i Ditës së qytetit Haskovo. Atraksioni më i madh me rastin e 8 shtatorit është loja e organizuar ushtarake simuluese..
Edhe këtë vit Agjencia Ekzekutive për Bullgarët Jashtë Shtetit do të prezantojë çmimin vjetor "Bullgarja e Vitit - Shën Zllata Mëglenska 2023" në një..