Еdhe këtë vit, këngëtarët e një prej ansambleve të Radios Kombëtare Bullgare (BNR) - Kori i Fëmijëve me dirigjente Venecia Karamanova – do të realizojnë koncertin tradicional të Krishtlindjeve. Më 21 dhjetor, në sallën 3 të Pallatit Kombëtar të Kulturës fëmijët e korit të radios do të interpretojnë këngët më të preferuara dhe më të dashura nga e gjithë bota, të cilat do të na ngrohin zemrat në pritje të festave të ardhshme. Emri i koncertit është "Me çizmet e kuqe", sepse kjo këngë me muzikën e maestros Hristo Nedjallkov personifikon fëmijërinë dhe momentin e lumtur të festës për fëmijët e panumërt bullgarë, si dhe për fëmijët më të rritur në vendin tonë.
Tradicionalisht, Kori i Fëmijë pranë Radios mbështet koristët e tij që kanë nisur rrugën e madhe të artit operistik, duke u pajisur me skenë dhe duke qëndruar pas talentit të tyre. Ata nga ana e tyre tregojnë perspektivën që Kori i Fëmijëve i BNR-së u ofron këngëtarëve të tij. Solistë të ftuar këtë vit do të jenë ish-koristët Ekaterina Kirçeva dhe Svilen Dençev, tani studentë në Akademinë Kombëtare të Muzikës "Prof. Panço Vlladigerov".
Mesazhi që Kori i Fëmijëve pranë Radios dërgon me këtë koncert është në frymën e festave të fundvitit:
"Ne besojmë se koncerti ynë festiv do të na transferojë në hapësirën magjike të Krishtlindjes - ku dëgjojmë zile magjike, lutja na mbush me besim, drerët vrapojnë, kolendarët këndojnë dhe drejtojnë urime, dhe Plaku i Mirë ka përgatitur për ne gjithçka që ne vërtet dëshirojmë."
Një nga këngët e përfshirë në programin e koncerteve tradicionale të Krishtlindjes, e cila është edhe emblemë e Korit të Fëmijë pranë Radios Kombëtare është "Kënga e Dimrit" me muzikën e Hristo Nedjallkov dhe tekst të Dimitër Spasov.
Përgatiti në shqip dhe publikoi: Svetllana Dimitrova
Një nga grupet më të njohura në vendin tonë me një nga vokalistet më interesante dhe magnetike – “Kerana dhe kozmonautët” - i shton një yjësi të re kozmosit të tij muzikor. Më 19 shtator, në Sofje, muzikantët do të prezantojnë me një koncert..
Më 17 shtator Kisha Ortodokse Bullgare kremton dëshmoret e shenjta Sofia, Vjara, Nadezhda dhe Ljubov . Në këtë ditë shënojmë edhe festën e kryeqytetit tonë Sofje – një qytet i lashtë me histori mijëvjeçare. Kryeqyteti i Bullgarisë - Sofja..
Sot vera hyn në dhomat e klasës, bashkë me buzëqeshjen e fëmijëve... Dita e parë e shkollës është gjithmonë një shkak emocioni - si për më të vegjlit që shkelin pragun e shkollës për herë të parë, ashtu edhe për të rriturit që me mall kujtojnë ato..
Më 17 shtator Kisha Ortodokse Bullgare kremton dëshmoret e shenjta Sofia, Vjara, Nadezhda dhe Ljubov . Në këtë ditë shënojmë edhe festën e..
Një nga grupet më të njohura në vendin tonë me një nga vokalistet më interesante dhe magnetike – “Kerana dhe kozmonautët” - i shton një yjësi të re..