Për më shumë se 20 vjet në qytetin Montana, ka një traditë më 6 janar. Njerëzit shkojnë në Parkun “Montanenzium”, ku ekziston një liqen artificial, i përshtatshëm për kryerjen e ritualit ortodoks të quajtur "Shpëtimi i Kryqit të Shenjtë" Ditën e Theofanisë. Të pasionuarit për t'u zhytur në ujërat e akullta të liqenit të parkut zakonisht nuk janë më shumë se 20 banorë të qytetit. Këtë vit, megjithatë, rituali kishtar do të tërheqë shumë më tepër adhurues të traditës nga Veriperëndimi. Ritit të shenjtërimit të ujit dhe shpëtimit të Kryqit të Zotit në Montana i shtohet një element i ri popullor, pikërisht një valle mashkullore, si ajo që tërheq shumë mysafirë çdo vit në qytetin malor Kalofer.
Kryqi në Montana do të hidhet në ujërat e akullta të lumit Ogosta, i ciliprej kohe është një emblemë për vendasit. Ajo është gjithashtu e përgatitur për të "pritur" guximtarët në Ditën e Bekimit të Ujit. Iniciativa për vallen e burrave Ditën e Theofanisë i përket Shoqatës "Fillimi i ri BG 2020" dhe grupit të vallëzimit "Radost" - sqaron për Radio Bullgarinë Neli Vasileva, kryeeksperte në Komunën e Montanës. Ajo sqaroi se ideja e valles mbështetet nga Bashkia dhe Mitropolia e Vidinit:
"Lumi është i sigurt, vendi për vallen u zgjodh me kujdes. U caktua që burrat të hedhin vallen e tyre më 6 janar pranë Urës së Këmbësorëve mbi lumin Ogosta. Aty pranë ka edhe një livadhe të madhe, ku njerëzit mund të mblidhen dhe festa të vazhdojë. Rituali i Bekimit të Madh të Ujit do të kryhet nga Arkimandriti Antim dhe priftërinj nga qyteti Montana. Ata që dëshirojnë të marrin pjesë në ritualin e shpëtimit të Kryqit, fillimisht do të puthin atë, do të spërkatet me ujë të shenjtëruar dhe vetëm atëherë do të hidhen në lumë. Ai që kap simbolin e shenjtë do të marrë gjithashtu një shpërblim monetar nga bashkia dhe do të udhëheqë vallen, e cila më pas do të dridhet nën shoqërimin e një bande tunxhi. Meqenëse jemi në Veriperëndim, festa nuk mund të kalojë pa muzikë frymore. Përveç kësaj, burrat që kërcejnë në lumë do të mbajnë me vete një flamur kombëtar prej dhjetë metrash.”
Numri i guximtarëve që dëshirojnë të hidhen në ujërat e akullta të lumit do të bëhet i qartë pak para kryerjes së ritualit, por të paktën 20 persona nga formacioni i kërcimit tashmë shprehën dëshirën për të marrë pjesë. Një tjetër kërkesë e veçantë këtë vit është që të gjithë ata që do të kërcejnë për Kryqin Ditën e Bekimit të Ujit në Montana të jenë të veshur me kostume kombëtare ose të paktën të kenë një element të kostumit, si brez, jelek apo thjesht një këmishë. Sipas priftërinjve kështu besimtarët do të duken më mirë kur kryejnë ritualin. “Vallja e meshkujve nuk është tipike për rajonin tonë. Një traditë e tillë nuk ka ekzistuar kurrë dhe prandaj deri më tani nuk ka pasur vallëzim të ngjashëm meshkujsh në Montana”, tha në përfundim Neli Vasileva.
Lexoni më shumë:
Përgatiti në shqip dhe publikoi: Svetllana Dimitrova
Foto: montana.bg, rmtv.bg
Me rastin e Ditës Botërore të Diabetit, objektet mjekësore në qytete të ndryshme të Bullgarisë organizojnë konsultime falas për personat me diabet dhe në rrezik të sëmundjes. Sipas të dhënave të Shoqatës Bullgare të Endokrinologjisë, çdo i treti bullgar në..
“Zgjedhja e Donald Trump si president i Shteteve të Bashkuara do të ketë një ndikim negativ në politikën evropiane në tre dimensionet kryesore, përkatësisht mbrojtjen dhe sigurinë, ekonominë dhe politikën – të paktën nga ajo që kemi si deklarata dhe nga..
Bullgarë nga 18 vende, 34 shkolla jashtë dhe 8 pedagogë bullgarë nga universitetet jashtë vendit janë pjesëmarrës në vitin e parë të Programit Kombëtar "Tregimet e pathëna të bullgarëve", i cili kërkon fakte pak të njohura për bullgarët e denjë apo ngjarje..
Pjesërisht me re