Unioni i Artistëve Bullgarë feston 100 vjetorin e lindjes së një prej ilustruesve më të njohur dhe më të dashur bullgar - artistit Ljuben Zidarov (23.12.1923 - 3.01.2023). Me këtë rast u organizua një ekspozitë me piktura në pronësi të 20 galerive të artit në vend, koleksioneve private dhe familjes Zidarov. Krahas ekspozitës në galerinë në rrugën Shipka 6, çdo ditë ka edhe shfaqje të filmit "Pasqyra magjike e Ljuben Zidarov-it" me regji të Marija Nikollovës.
Duke i kushtuar më shumë se shtatë dekada artit të librit, Ljuben Zidarov është ndër krijuesit e prirjes moderne në ilustrimin bullgar të viteve 60-të dhe është gjithashtu ndër themeluesit e librit komik të vizatuar në Bullgari dhe i revistës së parë bullgare me ilustrime për fëmijë „Sllavejçe“ (1957). Biografia e tij e pasur krijuese si ilustrues përfshin qindra vepra klasike, duke përfshirë "Përrallat e Andersenit", "Përrallat e Shekerezadës", "Ishulli i thesarit", "Konti i Monte Kristos", "Princi dhe i varfëri", "Kolibja e xhaxhi Tomit" dhe shumë të tjera. Si një artist me një shkrim satiriko-poetik karakteristik, të paimitueshëm, Ljuben Zidarov ka lënë një trashëgimi të jashtëzakonshme në fushën e pikturës së kavaletit, akuarelit dhe tekstileve artistike. Ekspozita është e hapur deri më 23 mars 2024.
Foto: sbh.bgPërpiloi: Gergana Mançeva
Përgatiti në shqip dhe publikoi: Kostandina Bello
Filmi dokumentar "Vaklusk" i regjisorit Nikollaj Vasilev u shpërblye nga festivali botëror i filmit në Kanë “Remember the Future” /“Mbani mend të ardhmen"/ me statujën "Xixëllonja e Artë" në kategorinë "Filmi artistik më i mirë i drejtësisë..
Prof. Riccardo Picchio (1923 – 2011) është pak i njohur për publikun e gjerë, por ai është një nga studiuesit më të mëdhenj italianë që përktheu autorë klasikë bullgarë në Itali, thotë Veneta Nenkova, themeluese e shkollës bullgare në Romë “Asen dhe..
Monospektakli "Zoti Ibrahim dhe lulet e Kuranit" i Marius Donkin bazuar në veprën me të njëjtin emër të Eric-Emmanuel Schmitt fitoi çmimin e madh në edicionin e sivjetmë të Festivalit Ndërkombëtar "MonoAkt" në Kosovë, njoftoi "Koha Ditore". Monodrama e..
Kultura bullgare dhe traditat vendase, të cilat deri vonë dukeshin ekzotike për pjesën tjetër të botës, gradualisht po bëhen pjesë e kulturës botërore të..