Më 22 shkurt shënohet 90-vjetori i lindjes së Kiçka Savovës – një prej këngëtareve më të rëndësishme të krahinës folklorike trake. Të gjithë ata që e njohën gjatë jetës së saj mbajnë në zemrat e tyre kujtimin e një personi të talentuar, vërtet të mirë dhe të sjellshëm. Kiçka Savova la dhjetëra incizime për Radion Kombëtare.
Fondacioni “Kiçka Savova”, i themeluar nga trashëgimtarët e këngëtares së njohur, do të festojë 90-vjetorin e lindjes së saj me disa evente. Stefka Zdravkova, kryetare e fondacionit, vajza e interpretueses, tregon për më të rëndësishmet prej tyre:
“Vendosëm që të gjithë vitin 2024 t'ia kushtojmë këtij përvjetori në mënyrë që i përgjigjet krejtësisht personalitetit të saj. Po organizojmë një turne virtual me pjesëmarrjen e studentëve të degës "Këndim popullor" në Akademinë Kombëtare të Muzikës "Panço Vlladigerov" dhe të Akademisë së Muzikës, Valleve dhe Arteve Pamore "Asen Diamandiev", si dhe të nxënësve nga dy shkollat e specializuara të muzikës në vendin tonë (Shkolla Kombëtare e Arteve Popullore “Filip Kutev” – Kotell dhe ajo në Shiroka Llëka).
Këngëtarëve të rinj u japim mundësinë të interpretojnë këngë nga repertori i nënës sime, të cilat do t'i incizojnë në video. Kudo, ideja u prit me entuziazëm nga pedagogët dhe nxënësit e tyre.”
Në vijim të misionit të tij, fondacioni vazhdon të mbështesë mbajtjen e konkursit në fshatin Slladun, në të cilin zakonisht ka rreth 1500 pjesëmarrës.
Çmimi i madh që marrin laureatët, zakonisht rreth 7 fëmijë, është pjesëmarrja në një klasë master nën drejtimin e Darina Sllavovës - një nga nxënëset e dashura të Kiçka Savovës, mësuese e këndimit popullor në Akademinë Kombëtare të Muzikës dhe soliste e ansamblit. "Trakia".
Në vitin 2023, u publikua një përmbledhje prej 20 këngësh të njohura nga Kiçka Savova - një mundësi e paçmuar për talentët e rinj “për të pirë ujë nga burimi”.
Përgatiti në shqip dhe publikoi: Vesella Mançeva
Legjendat e muzikës eksperimentale dhe të xhazit jokonvencional Frank Gratkowski (Gjermani) dhe Kazuhisa Uchihashi (Japoni) do të hapin Sofia Free Jazz në Sofje më 23 janar (e enjte) - seria e re e festivalit të radios "Alarma Punk Jazz" të Radios..
Ju ofrojmë një dozë magjie me këngën më të re të interpretueses Kristina Dimitrova-Manasieva, ose e njohur më mirë si KristinSax. Përveçse këndon ajo i bie saksofonit dhe flautit. Veçse interpretuese e këngës së saj të re “Magjia”, KristinSax është..
Në Ditën e Asistencës së Maternitetit, ju ofrojmë një këngë kushtuar një teme të vështirë - vdekshmërinë femërore gjatë lindjes. "Të mos jemi vetëm" bashkon disa nga muzikantët tanë më të mirë. Përveçse interpretoi këngën në mënyrën e tij të..
Rreth dhjetë vjet më parë, një vajzë e vogël me një zë të madh u shfaq në një shfaqje televizive. 15-vjeçarja e atëhershme Mihaella Marinova tani është një..