Bullgaria dhe Shqipëria gjithmonë kanë ruajtur një miqësi shumë të mirë dhe kanë bashkëpunuar në fusha të ndryshme, bashkëpunim i cili sa vjen e rritet. Radio Bullgaria ju informoi për takimet e kryetarit të Parlamentit të Bullgarisë, Rosen Zheljazkov, në Tiranë. Ai u prit nga kryetarja e Parlamentit shqiptar Lindita Nikolla, si dhe nga Kreu i Shtetit Bajram Begaj. U diskutuan tema të ndryshme, disa prej të cilave kishin të bënin me zhvillimin e marrëdhënieve midis dy vendeve, hapjen e një linje direkte ajrore, bashkëpunime të mëtejshme në fushën e politikës, ekonomisë, turizmit, si dhe tema e minoritetit bullgar në Shqipëri.
Pas vizitave zyrtare me znj. Lindita Nikolla dhe presidentin Bajram Begaj, kryetari i Parlamentit të Bullgarisë mori pjesë edhe në një pritje në Tiranë me rastin e Festës Kombëtare të Bullgarisë, 3 Marsit, e cila ishte organizuar mbrëmjen e djeshme, 26 shkurt, nga Ambasada e Bullgarisë në Shqipëri. Në këtë pritje përveç përfaqësuesve të Ambasadës së Bullgarisë morën pjesë edhe Ministri i Puneve te Brendshme Taulant Balla, Ministri i Shtetit për Mbrojtjen e Sipërmarrjes, Eduard Shalsi, si dhe përfaqësues të pozitës dhe opozitës, si Ilir Meta, Edmond Spaho, Valentina Leskaj, Musa Ulqini. Në mbrëmje ishin të pranishëm edhe Zv-kryetari i KPK (Komiteti per Pakicat Kombetare), përfaqësues të komunitetit bullgar në Shqipëri, ndër të cilët përfaqësuesja e bullgarëve në KPK Milena Selimi, si dhe përfaqësues të shoqatave bullgare dhe rektorë të universiteteve shqiptare. Gjatë mbrëmjes z. Zheljazkov bisedoi me përfaqësuesit e komunitetit bullgar dhe u shpreh se mbështetja për ta nuk do të mungojë.
Miqtë dhe të ftuarit u pritën me verore nga dy nxënës të Shkollës Bullgare të së Dielës “Hristo Botev”, Tiranë, të cilët ishin të veshur me kostume popullore bullgare dhe nëpërmjet veshjes dhe simbolit të ardhjes së pranverës i dhanë një atmosferë shumë të bukur mbrëmjes.
Lexoni më tepër:
Në Turqi dhe Greqi presin një rendiment më të mirë të ullinjve Vjelja e vajit të ullirit në Turqi do të jetë rekord. Lulëzimi intensiv i ullinjve u dha shpresë prodhuesve akoma në pranverë pas sezonit të dobët të..
Bullgaria u përball me një tjetër problem në kërkimin e një rrugëdaljeje nga kriza politike që u bë konstante, pasi presidenti Rumen Radev refuzoi të miratojë një nga emrat e ministrave të propozuar nga kandidatja për kryeministre të përkohshme,..
Presidenti Rumen Radev nuk pranoi që Kalin Stojanov të mbetet ministër i punëve të brendshme dhe refuzoi të nënshkruajë një dekret për emërimin e qeverisë së përkohshme të kryesuar nga Gorica Grënçarova - Kozhareva. Kreu i shtetit i kërkoi..
Për momentin nuk ka asnjë kërcënim të drejtpërdrejtë për vendin tonë nga përkeqësimi i mprehtë i mjedisit të sigurisë në Lindjen e Mesme - këtë..
Kryeministri i Republikës së Maqedonisë së Veriut: Nuk do të devijojmë nga anëtarësimi në BE, por nuk do të pastrojmë këpucë Duke vlerësuar 100..