Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Mijëra punëtorë nga jashtë janë tërhequr nga vendet e lira të punës në Bullgari

Bullgaria, megjithatë, mbetet jokonkurruese për sa i përket pagave dhe mjedisit të punës

Foto: freepik.com

Për vite me radhë, punëdhënësit në Bullgari kanë përjetuar mungesë të personelit. Sipas Konfederatës Bullgare të Punësimit, persona të përshtatshëm mund të gjenden vetëm për 30% të pozitave të hapura në tregun e punës. Arsyeja kryesore që jep Konfederata është se popullsia në vendin tonë po plaket dhe brezi i ri nuk është ende gati ose nuk dëshiron të hyjë në tregun e punës.
I konsiderueshëm është edhe migrimi i popullsisë së aftë për punë nga Bullgaria në vendet më të pasura të Evropës, e tërhequr nga kushtet më të mira të punës dhe pagat më të larta. Çekuilibri ndërmjet kërkesës për personel dhe ofertës ka zënë vend të thellë në Bullgari - komentojnë ekspertët.

Mënyra e vetme dhe deri tani e shfrytëzuar jo mirë për të injektuar fuqi punëtore në ekonominë bullgare është tërheqja e personelit nga jashtë. Vetëm për vitin 2023, numri i përgjithshëm i personave që vijnë nga vendet jashtë BE-së dhe që kanë marrë leje për të punuar në Bullgari është mbi 23 mijë. Çdo vit një nga sindikatat më të mëdha në Bullgari - KNSB, mbledh të dhëna dhe kryen kërkime mbi migrimin për motive punësimi dhe rolin e tij në tregun e punës në vendin tonë. Sipas raportit të sindikatës, po shfaqet një tablo shumëngjyrëshe e nacionaliteteve nga të cilat vijnë punonjësit e rinj.
“Vitin e kaluar, shumë persona nga Ukraina, Uzbekistani, Kirgistani, Turqia morën leje pune në vendin tonë – vende që janë më afër Bullgarisë. Përshtypje bën edhe numri i madh i personave të sapopunësuar nga kompanitë, që kanë ardhur nga larg - Brazil, SHBA, Nepal, Tajvan etj." - thotë në një intervistë për Radio Bullgarinë Atanaska Todorova, eksperte sindikaliste në sektorin e tregut të punës, migracionit për motive punësimi dhe lëvizshmërie.

Ndërtimi është në vend të parë, në vend të dytë është kategoria e punëtorëve që janë në industrinë e përpunimit, industrinë e qepjes. Rritja e shtetasve të huaj që janë të punësuar për një kohë afatgjatë në Bullgari është 66% në një vit” – përmbledh Atanaska Todorova.

“Vitin e kaluar afro 40% e atyre që morën leje qëndrimi dhe pune në 6 muajt e parë janë larguar nga Bullgaria dhe kanë shkuar në vende të tjera evropiane. Problemi me mungesën e fuqisë punëtore dhe sigurimin e saj nga vendet jashtë BE-së lidhet me faktin që punëdhënësit nuk mund të mbajnë punëtorë të sapoardhur në Bullgari dhe këtu duhet menduar me shumë kujdes se çfarë mund të ofrojë punëdhënësi, veçanërisht në kategorinë e punëtorëve të punësuar për një periudhë afatshkurtër, sepse për ta shpërblimi është më i ulët dhe e njëjta gjë vlen edhe për punëtorët bullgarë. Për shembull, në turizëm, ata janë të punësuar me të ardhura afër minimales, në ndërtim të ardhurat mund të jenë më të larta, por atje kushtet e punës nuk janë të kënaqshme. Pra, pavarësisht numrit të madh të lejeve për punë të lëshuara për të huajt në vitin 2023, sfida e madhe mbetet për sa i përket pagave, apo sesi punëdhënësit do të jenë në gjendje t'i mbajnë këta punëtorë. Dhe një nga qëllimet ekonomike të emigrantëve është të jenë në gjendje të mbështesin familjet e tyre në shtëpi. Njësoj si bullgarët që punojnë jashtë që mendojnë se si të dërgojnë para në Bullgari”, thotë Atanaska Todorova.

Foto: freepik.com, BTA, arkiva, get-workers.eu

Përgatiti në shqip dhe publikoi: Kostandina Bello


Последвайте ни и в Google News Showcase, за да научите най-важното от деня!

Më shumë nga rubrika

Bullgarët mbajnë në banka mbi 75 miliardë euro, po rriten edhe paratë nga emigracioni

Depozitat në banka për tremujorin e parë të vitit 2024 arritën shifrën rekord prej 75.4 miliardë euro (150 miliardë leva). Nga janari në mars, depozitat u rritën me 1.35 miliardë euro (2.7 miliardë leva) ose me 1.8%. Rritja është kryesisht për shkak..

botuar më 24-07-25 10.46.PD

Sofja do t'i kërkojë Komisionit Evropian ndryshime në Planin e Rimëkëmbjes dhe Qëndrueshmërisë

Qeveria e përkohshme e ngarkoi zëvendëskryeministren dhe ministre të financave Ljudmila Petkova që të paraqesë deri më 11 shtator një propozim për një ndryshim në Planin e Rimëkëmbjes dhe Qëndrueshmërisë sipas kapitullit REpowerEU. Kjo bëhet për të..

botuar më 24-07-18 12.01.MD
Pllamen Dimitrov

1315 euro është minimumi i jetesës për një familje me tre anëtarë për një muaj

Sipas analizës së Konfederatës së Sindikatave të Pavarura në Bullgari, të ardhurat e nevojshme mujore në qershor për të mbajtur jetën e një familjeje prej tre anëtarësh me dy punëtorë dhe një fëmijë deri në 14 vjeç janë 2615 leva (1315 €), tregon..

botuar më 24-07-17 10.56.PD