Papunësia në Bullgari është nën 4%, sipas të dhënave të Institutit Kombëtar të Statistikave nga marsi, të cituara dhe të përmbledhura nga Televizioni Kombëtar Bullgar (BNT). Në mars 2025 numri i shpalljeve për punë në Bullgari është rritur me 8% krahasuar me shkurtin, duke arritur në rreth 45 500, sipas analizës mujore të faqes së karrierës "Job Tiger". Arsyeja kryesore e rritjes është rritja e kërkesës për staf në sektorët "Hotele dhe Restorante" dhe "Tregti-Shitje" në lidhje me sezonin e ardhshëm turistik veror.
Në të njëjtën kohë, u vu re një rënie prej 1%, krahasuar me vitin e kaluar 2024 për këtë periudhë. Raportohet kryesisht rritje e ofertave të punës në Varna, Burgas, Ruse, Stara Zagora dhe Plovdiv. Sofja renditet e gjashta, por në krahasim me të gjithë vendin, në kryeqytet ka më shumë shpallje për punë - 40%.
Ka një rënie të ofertave për punën në distancë - me 4% dhe me 1% krahasuar me një vit më parë. Ofertat e punës në distancë janë vetëm 8% e të gjitha postimeve të punës. Në sektorin "IT" ka një rënie prej 47%, ndjekur nga "Aktivitetet administrative dhe shërbyese" (18%), industria e outsourcing (15%) dhe "Tregti-Shitje" (11%). 1/3 e shpalljeve për punë nuk kërkojnë përvojë të mëparshme.
Sipas vëzhgimeve të ekspertëve, sistemi arsimor nuk krijon personel të mjaftueshëm të kualifikuar dhe rritja e pafundme e pagave atje nuk e zgjidh problemin e mungesës së personelit.
Për herë të parë, Bullgaria prezantohet me një stendë kombëtare në ekspozitën e mobilieve dhe interierit Salone del Mobile 2025. Forumi zhvillohet nga 8 deri më 13 prill në Milano, Itali. Janë tetë kompani pjesëmarrëse që do të përfaqësojnë cilësinë e..
Për sezonin turistik 2025 në bregun bullgar të Detit të Zi, punëtorët më të kërkuar janë ata që dëshirojnë të punojnë si shërbyese (76%), të ndjekur nga kuzhinierët (68%), recepsionistët (57%), kamerierët (50%), banakierët (26%) dhe stafi teknik...
Turizmi është një nga sektorët në vendin tonë që është më i gatshëm për të vazhduar punën pa probleme pas hyrjes së Bullgarisë në eurozonë - është e bindur drejtoresha ekzekutive e Bordit Kombëtar të Turizmit, Dr. Polina Karastojanova. Në turizëm,..
Për herë të parë, Bullgaria prezantohet me një stendë kombëtare në ekspozitën e mobilieve dhe interierit Salone del Mobile 2025. Forumi zhvillohet nga 8..