Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bashkia e Burgasit ofron informacione dhe shërbime të dobishme në një mjedis online

Foto: smartburgas.eu

Portofoli dixhital i autoritetit lokal në Burgas, i njohur si "Smart Burgas" tani ka një shtesë të re - chatbotin "Smarty". Ky është një mjet dixhital i dobishëm që bashkon shërbimet e Bashkisë në një kanal ndërveprimi të njohur dhe të lehtë për t'u aksesuar. Çdo ditë ndihmon dhjetëra njerëz të parkojnë, të udhëtojnë, të paguajnë online ose thjesht të marrin informacione të dobishme për qytetin dhe shërbimet e tjera të ofruara nëpërmjet internetit. Me ndihmën e "Smarty" madje është e mundur të ruani një datë për një festë dasme, dhe jo vetëm në vende të njohura në qytet, por edhe në ishullin Shën Anastasija - një vend i preferuar për mysafirët dhe banorët e Burgasit.

"Smarty" është një shtesë e dobishme për "trurin dixhital" të Burgasit - Sistemi i Integruar i Informacionit "Smart Burgas". Me teknologji dhe pajisje të ndryshme inteligjente, ai lehtëson jetën e njerëzve në qytetin bregdetar. Platforma përmban të dhëna të sintetizuara mbi nivelin e burimeve ujore, pastërtinë e ajrit, si dhe ku të hidhen mbetjet në mënyrë të ndarë. Për investitorët ofrohet informacion për tokën falas në zonat industriale si dhe statistika nga harta e biznesit të qytetit. Në të njëjtën kohë mund të monitorohen në kohë reale situata rrugore, trafiku i qytetit, rrugët në riparim, vende parkimi, vende turistike dhe pamje.

Nga ana tjetër, qytetarët mund të raportojnë sinjale në kohë reale ose të marrin pjesë në vendimmarrje. Informacioni në platformën e integruar disponohet edhe në anglisht dhe rusisht.

Foto: smartburgas.eu

Përgatiti në shqip dhe publikoi: Kostandina Bello



Последвайте ни и в Google News Showcase, за да научите най-важното от деня!

Më shumë nga rubrika

Për herë të parë në Bullgari mbahet kongresi ndërkombëtar i punuesve të dantellës

Në zemër të Luginës së Trëndafilave, në shpatet e Stara Pllaninës dhe Sredna Gorës, për të 26-ën herë zhvillohet Festa e dantellës së Kalloferit. Paleta e ngjarjeve është e pasur – mysafirët e dy qyteteve të vegjël nënmalorë, Karlovo dhe..

botuar më 25-08-16 8.00.PD

OPEN BUZLUDZHA mbledh mijëra nën “pjatën” e monumentit më të njohur në Bullgari

Monumenti në majën Buzlluxha – simbol i epokës socialiste në historinë bullgare dhe “yll” mes adhuruesve të turizmit të errët (dark tourism), për të pestën herë është skena e një festivali me frymë moderne dhe kauzë. Për të pestin vit, OPEN BUZLUDZHA..

botuar më 25-08-16 7.00.PD

Presidentja e Bankës Qendrore Evropiane, Christine Lagarde, mirëpret dizajnin e monedhës bullgare euro

Presidentja e Bankës Qendrore Evropiane (BQE), Christine Lagarde, përshëndeti dizajnin e monedhës bullgare 1 euro në një postim në rrjetin social "Facebook", raportoi BTA. "Lajme emocionuese për Bullgarinë dhe eurozonën! Hidhini një sy dizajnit..

botuar më 25-08-13 6.17.MD