Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Tradita e dërgimit të kartolinave të Pashkëve në vendin tonë daton që nga koha e Çlirimit

Foto: shtëpia botuese „Lindja-Perëndim“

Kur kemi një rast të veçantë dhe takohemi me të afërm ose miq, në shenjë respekti dhe si kujtim, zakonisht u dhurojmë atyre një dhuratë së bashku me një kartolinë të bukur. Në të kaluarën, kartolina e marrë ruhej si një kujtim i dashur dhe madje kalohej brez pas brezi. Imazhet e bukura janë dhuruar si për raste personale, ashtu edhe për raste të tjera, siç janë festat e krishtera të Krishtlindjeve dhe Pashkëve. Bullgaria është një nga vendet e para në Evropë që lejoi dërgimin dhe prodhimin e kartolinave - kjo traditë filloi që në vitin 1879, menjëherë pas Çlirimit.

Historia e kartolinave të Pashkëve dhe pranverës në Bullgari tregohet në librin e Dr. Petër Veliçkov - historian letrar, gazetar dhe poet. Kartolina e parë bullgare e Pashkëve në koleksionin e tij është e vitit 1898 - një litografi me ngjyra e një skene të Ngjalljes së Krishtit në një seri pikturash. Teksti në pjesën e përparme thotë: "Krishti u ringjall!". Kartolina është shtypur në qytetin e Samokovit nga shtëpia botuese "Vëllezërit Lesiçevi".


Në një botim të ilustruar të pasur me titull "Kartolinat e Pashkëve dhe të Pranverës nga Mbretëria e Tretë Bullgare" (1878-1946), studiuesi përfshin si kartolina të prodhuara në Perëndim në tirazhe speciale për Bullgarinë, si dhe kartolina të vizatuara nga artistë bullgarë dhe të shtypura në libra dhe revista të specializuara për fëmijë.

Më shumë detaje rreth ndryshimit të pamjes së kartolinës do të gjeni në një botimin nga koleksioni i Radio Bullgarisë, kushtuar kartolinave të para të Pashkëve në Bullgari: Për kartolinat e para të Pashkëve në Bullgari

Përpiloi: Joan Kolev
Përgatiti në shqip dhe publikoi: Vesella Mançeva


Последвайте ни и в Google News Showcase, за да научите най-важното от деня!

Më shumë nga rubrika

Foto: SOS Fshatrat Ndërkombëtare të Fëmijëve

35 vjet "SOS Fshatrat e Fëmijëve Bullgari"

Kanë kaluar 35 vjet që nga themelimi i shoqatës "SOS Fshatrat e Fëmijëve Bullgari". Me këtë rast, Presidenti Rumen Radev do të vizitojë fshatin Dren, Bashkia Radomir, ku do të marrë pjesë në festimin e përvjetorit, njoftoi qendra e shtypit e kreut të..

botuar më 25-06-23 12.03.MD

Me pishtarë dhe kurora me barishte, në Dellçevo festojnë Ditën e Enjos

Fshati Dellçevo, komuna e qytetit Goce Dellçev, po rivendos traditën e festimit të Ditës së Enjos (Enjovden) me një program dyditor më 21 dhe 22 qershor, njoftoi komuna e qytetit Goce Dellçev. Ngjarjet do të nisin më 21 qershor me një procesion nga..

botuar më 25-06-21 5.20.PD

Berlini kujton se si artisti Kristo Javashev e mbështjelli Reichstagun 30 vjet më parë

30 vjet më parë, ndërtesa madhështore e Reichstagut në Berlin u vesh me pëlhurë argjendi në një nga aksionet më spektakolare nga artisti me origjinë bullgare Kristo (Christo Javacheff) dhe gruaja e tij Jeanne-Claude. Tani një instalacion ndriçues e..

botuar më 25-06-14 6.55.PD