Martiret e Shenjta Vjara (Besa), Nadezhda (Shpresa) dhe Ljubov (Dashuria) ishin tri motra të lindura në Romë në shekullin II. Nëna e tyre, Shën Sofia, ishte një vejushë e devotshme dhe e krishterë, e cila i rriti bijat e saj në dashuri për Zotin Jezu Krisht. Ajo ua dha emrat sipas tri virtyteve të mëdha të krishterimit: besimi, shpresa dhe dashuria, duke i edukuar me frymë të fortë shpirtërore.
Motrat dhe nëna e tyre nuk e fshihnin besimin e tyre dhe e dëshmonin hapur. Kur perandori Adrian (117–138) mori vesh për to, urdhëroi t’i sillnin para tij. E gjithë oborri perandorak u habit nga qetësia dhe paqja me të cilën familja e shenjtë u paraqit — si të ftuar në një festë të ndritur, jo në tortura. Adriani u përpoq t’i bindte vajzat një nga një që t’i ofronin flijime perëndeshës Artemis, por ato refuzuan me vendosmëri. Në atë kohë, Vjara ishte 12 vjeç, Nadezhda 10 dhe Ljubov vetëm 9. Perandori urdhëroi tortura të tmerrshme, por Zoti, me fuqinë e Tij të padukshme, i mbrojti. Motrat duruan dhimbje çnjerëzore pa u lëkundur nga besimi i tyre dhe e pranuan me gëzim martirizimin. Në fund, perandori urdhëroi që të priteshin kokat e tyre.
Shumë nga ata që panë qëndresën e tyre të patundur, besuan në Krishtin.
Por më e rënda ishte për Shën Sofia, e cila nuk u torturua fizikisht, por u detyrua të shihte vuajtjet dhe vdekjen e bijave të saj. Për ta sfilitur shpirtërisht, perandori i lejoi të marrë trupat e tyre dhe t’i varrosë. Ajo i çoi në një vend të ngritur mbi qytet, i varrosi, dhe qëndroi tri ditë mbi varrin e tyre në lutje, derisa edhe ajo ia dorëzoi shpirtin Zotit. Kjo ndodhi në vitin 126 pas Krishtit. Të krishterët e varrosën pranë bijave të saj.
Lipsanet e shenjtoreve u transferuan nga Roma në Elzas (Francë) në vitin 777, në kishën e fshatit Esho, ku ruhen edhe sot.
Lexoni më shumë nga arkivi i Radio Bullgarisë:
Përpilues: Ekipi i Radio Bullgarisë me ndihmën e Aleksandra Karamihaleva, kryeredaktore e "Gazetës së Kishës"
Përgatiti në shqip dhe publikoi: Svetllana Dimitrova
Foto: arkiv
Sapo të fillojë të ftohet moti, vjen koha për përgatitjen e turshisë. Përgatitja e kësaj delikatese dimërore në kushte shtëpie është një traditë e përhapur gjerësisht dhe pothuajse nuk ka familje bullgare që të mos vendosë në tryezën e saj këto perime..
Më 8 nëntor shënojmë festën e tërë ushtrisë qiellore, të njohur në kalendarin kishtar si Kuvendi i shenjtit kryeengjëll Mikael, i vendosur në shekullin IV në Sinodin e Laodikesë. Sipas traditës kishtare, kryeengjëlli Mikael udhëheq tërë ushtrinë..
Kryeministri Rosen Zheljazkov do të marrë pjesë në festimet solemne me rastin e 140-vjetorit të Luftës Serbo-Bullgare, të cilat do të mbahen sot, 7 nëntor - Dita e Fitores në Betejën e Slivnicës. Ceremonia do të zhvillohet në Sheshin "Sëedinenie"..
Kryeministri Rosen Zheljazkov do të marrë pjesë në festimet solemne me rastin e 140-vjetorit të Luftës Serbo-Bullgare, të cilat do të mbahen sot, 7..
Sapo të fillojë të ftohet moti, vjen koha për përgatitjen e turshisë. Përgatitja e kësaj delikatese dimërore në kushte shtëpie është një traditë e..
Më 8 nëntor shënojmë festën e tërë ushtrisë qiellore, të njohur në kalendarin kishtar si Kuvendi i shenjtit kryeengjëll Mikael, i vendosur në shekullin..
Reshje
Vranësira
Reshje intensive
Vranësira të dendura me shi