Kisha Ortodokse Bullgare nderon kujtimin e vëllezërve të shenjtë dhe mbrojtësve të Evropës Kirili dhe Metodi, krijuesit e prototipit të alfabetit bullgar - alfabetit glagolik.
Njoftimet e para me shkrim në literaturën tonë të Rilindjes për nderimin e vëllezërve nga Selaniku – Kiril dhe Methodi, më 11 maj mund t’i gjeni në "Kristomatinë në gjuhën sllave" nga viti 1852 nga Neofit Rillski.
Festa e parë u organizua me iniciativën e diplomatit bullgar Najden Gerov më 11 maj 1851 në shkollën dioqezane “Shenjtorët Kirili dhe Metodi” në qytetin e Plovdivit. Në vitin 1857, Dita e Vëllezërve të Shenjtë u nderua në kishën bullgare "Shën Stefani" në Kostandinopojë, së bashku me shërbesën për Shën Ivan Rillski.
Më 11 maj 1858, kjo ditë u festua edhe në Stara Zagora (atëherë Eski Zara) me idenë e mësuesit S. P. Ivanov me një "shërbim hyjnor" dhe një fjalim emocionues për jetën dhe veprën e Kirilit dhe Metodit. Pas vitit 1878, 11 maji u bë festë e përgjithshme shkollore për nder të mësuesve sllav brenda kufijve të Eksarkisë Bullgare. Me vendosjen e kalendarit gregorian pas vitit 1916, Dita e krijuesve të alfabetit të tretë në Evropën e bashkuar festohet më 24 maj nga bullgarët në mbarë botën. Kjo është një festë zyrtare në kalendarin e festave civile të Bullgarisë, e formuluar si: Dita e vëllezërve të shenjtë Kiril dhe Metodi, e alfabetit, arsimit, kulturës bullgare dhe letërsisë sllave.
Veprimtaria misionare e Kirilit dhe Metodit përfshin përkthimin në sllavo-bullgarisht të librave më të rëndësishëm kishtarë, me të cilët Vëllezërit e Shenjtë thyen dogmën e predikimit vetëm në tre gjuhët e shenjta të asaj kohe: hebraisht, greqisht dhe latinisht. Ata u akuzuan për herezi, por pas një lufte dramatike, sllavo-bullgarishtja u njoh nga kisha romake si gjuhë zyrtare liturgjike.
Shën Kiril Filozofi vdiq në 869 në Romë dhe Bazilika “San Clemente” në Qytetin e Përjetshëm u zgjodh si vendprehja e tij e fundit. Metodi vazhdoi punën e tyre deri në fund të jetës së tij në 885.
Sipas arkeologut çek, Prof. Zdenek Klanica, Metodi është varrosur në fshatin Mikullçice në Moravinë Jugore. Ky është një nga vendet që tërheq bullgarët nga Republika Çeke, Sllovakia, Hungaria, Austria dhe Gjermania, si dhe të huajt që dëshirojnë ta nderojnë shenjtorin.
Përpiloi: Joan Kolev
Foto: BGNES, Aleksandra Dellova
Përgatiti në shqip dhe publikoi: Vesella Mançeva
Të Premten e Madhe, Kisha kujton vuajtjet e mëdha të Jezu Krishtit, i cili me dëshirë të vet pranoi të gjykohej, të fshikullohej, të pështyhej, të poshtërohet, të rrihej me shuplaka dhe të shfaqej para popullit me mantelin për fyerje, me një..
Atë ditë, Shpëtimtari organizoi darkën tradicionale të Pashkës për popullin hebre në shtëpinë e një banori të Jerusalemit. Përpara darkës, si shprehje respekti, Ai lau këmbët e apostujve dhe tha: “Unë erdha për të shërbyer, jo që të më shërbejnë” ...
Të Mërkurën e Madhe kujtohet një nga ngjarjet e fundit para vuajtjeve shpëtimtare të Birit të Zotit për njerëzimin. Në pendimin e saj të sinqertë, një mëkatare arriti të hynte në shtëpinë ku po qëndronte Krishti dhe, duke dashur të tregonte..
Në ditën e pesëdhjetë pas Ngjalljes së Krishtit, kur apostujt u mblodhën së bashku, papritmas nga qielli u dëgjua një zhurmë si ajo e një ere të..
Diell, re, shi, bubullime
Vranësira të dendura
Vranësira të ndryshueshme mundësi për reshje shiu