Mbrëmjen e sotme në fshatin Kërpaçevo, rajoni i qytetit Lloveç, hapet festivali i dhjetë “Xhazi nën yjet e Pllajës Devetashko”, i cili vazhdon deri të dielën. Festivali mbledh muzikantë të njohur bullgarë në skenën e hapur të livadhit pranë shpellës "Garvanica", mes fshatrave Kërpaçevo dhe Gorsko Slivovo, njoftoi Iva Taralezhkova - kryetarja e Shoqatës "Devetashko Pllato", e cila është organizatore.

Veprimtaria me hyrje falas synon të popullarizojë, të gjallërojë dhe të pasurojë jetën kulturore të 9 fshatrave në komunat Loveç, Letnica dhe Sevlievo të Bullgarisë Veriore. Mbrëmja e parë e festivalit në fshatin Kërpaçevo është e treshes "XhaZta Prasta", e cila luan xhaz të bazuar në muzikë nga etni të ndryshme. Në programin e festivalit janë edhe emrat e muzikantëve nga Spanja dhe Skocia. Mëngjesi i së dielës është xhaz tradicional për fëmijët.

• Pllaja Devetashko – tërheqëse për turistët dhe predisponuese për bujqësinë ekologjike

• Rajoni i Pllajës Devetashko është sërish skena e "Xhazi nën yje"