Presidenti Rumen Radev ia dorëzoi mandatin e dytë eksplorues për formimin e qeverisë grupit të dytë më të madh parlamentar në Legjislaturën e 50-të  të Kuvendit Popullor - "Po e vazhdojmë ndryshimin - Bullgaria Demokratike". Në dorëzimin e mandatit nga koalicioni erdhën Kirill Petkov, Nikollaj Denkov, Bozhidar Bojanov, Ljudmilla Ilieva, Atanas Atanasov dhe Nadezhda Jordanova. Por ata e kthyen mandatin të papërmbushur pasi nuk gjetën mbështetje nga forcat e tjera politike të përfaqësuara në parlament. Para presidentit, Nikollaj Denkov nga PP-ja tha se përkundër pamundësisë së formimit të qeverisë me mandatin e dytë, PP-DB nuk do të ndryshojë qasjen e saj dhe do të ruajë prioritetet e saj për krijimin e një ambienti mikpritës për biznesin dhe investitorët, për rritjen e të ardhurave, për zvogëlimin e pabarazisë, për ndarjen e fondeve për arsim dhe shëndetësi më të mirë. “Ne presim të marrim një mbështetje më të fortë publike, në mënyrë që në mundësitë e ardhshme t'i ngremë sërish këto tema dhe të jenë në qendër të diskutimeve në parlament”, tha Denkov. Sipas tij, lufta kundër korrupsionit nuk është qëllim në vetvete, por mjeti kryesor për të arritur sukses në këtë drejtim.

• PP-DB këmbëngulin për ndryshime legjislative dhe shtyrje të dorëzimit të mandatit të dytë

• Me një deklaratë kundër korrupsionit, PP-DB kërkojnë mbështetje për formimin e kabinetit

• Reagimet në Kuvend për propozimin e PP-DB për shtyrjen e mandatit të kabinetit