Presidenti do të ngarkojë grupin parlamentar të partisë “Ka një popull të tillë” (ITN) që të propozojë një kandidat për kryeministër, njofton administrata e kreut të shtetit. Mandati do të dorëzohet më 29 korrik,ditën e hënë, në ora 12:00.

Kështu, ITN merr shansin e fundit për të formuar një qeveri në Legjislaturën e 50-të të Kuvendit Popullor. Pas marrjes së dosjes, partia e Sllavi Trifonov duhet të vendosë nëse do të propozojë një kandidat për kryeministër në përpjekje për të formuar një kabinet. Kushtetuta nuk përcakton një afat të qartë në të cilin mandati i tretë duhet të kthehet - i plotësuar ose i paplotësuar. ITN bëri deklarata se synojnë të propozojnë një kabinet ekspertësh dhe do të ftojnë në bisedime të gjitha formacionet parlamentare.