Pesë muzikantët e grupit vokal "Spektrum" - Spectrum Vocal Band - janë ndër ata që nuk pushojnë së na mahnitur me mundësitë e pafundme të zërave njerëzorë. Ivelina Coneva, Vesella Morova, Konstantin Bejkov, Janko Jankov dhe Daniell Nikollov kanë përvojë si pjesëmarrës në ansamble të ndryshme korale dhe kore të mëdha. Me kalimin e kohës, muzikantë të ndryshëm kaluan në grupin vokal “Spektrum”, por Janko dhe Konstantin janë në formacion që nga krijimi i tij 12 vjet më parë. Konstantini u tërhoq nga perspektiva për të marrë pjesë në një grup në të cilin kërkohet të jetë jo vetëm një këngëtar, por një muzikant kompleks. Për Janko, interesimi për kompozimin më të vogël vjen nga mundësia që të gjithë të jenë solist, që nga secili të varet shumë më tepër në aspektin e së tërës - harmonisë dhe polifonisë, pa humbur vëmendjen nga e gjithë partitura.
Ata ndajnë se është e vështirë të gjenden interpretues për një formacion akapel si i tyri, pra këngëtarë mjaft të mirë, por edhe muzikantë kompleks. Konstantin Bejkov shpjegon pse ata punojnë tërësisht akapela:
“Vendosëm dhe me kalimin e viteve doli që të kënduarit akapela nuk është vetëm një efekt, ne nuk i bëjmë gjërat thjesht për të qenë një akapela dhe për të qenë më interesant. Është bërë një lloj mjeti shprehjeje përmes të cilit ne gjithashtu ndiqnim nevojat tona si muzikantë.”
Të pestët e formacionit "Spektrum" ia kushtuan gushtin një sërë koncertesh të përbashkëta në Bullgari me dyshen vokale kanadeze FreePlay, e fundit prej të cilave është më 14 gusht në Sofje, në kuadër të edicionit të 15-të të serisë së koncerteve "Ishulli i Muzikës".
Pas koncerteve me FreePlay Duo, në shtator "Spektrum" do të ketë shfaqje në skenën e Pleven Jazz Fest, më pas i pret një koncert në Berlin, i cili do të jetë prezantimi i tretë i grupit këtë vit jashtë Bullgarisë.
Zhytuni në magjinë e zërave të formacionit “Spektrum” me këngën e tyre "Qyteti nuk fle" nga albumi debutues i grupit “Pika e kryqëzimit”.
Përgatiti në shqip dhe publikoi: Svetllana Dimitrova
Foto: spectrumvocalband
Angell Prodanov - Aço është gati 30 vjeç, dhe ndonëse që në fëmijëri luan piano dhe studion solfezh, ai ka rreth shtatë vjet që merret me muzikë profesionalisht. Ka marrë pjesë në disa programe televizive dhe në vitin 2020 në “Zëri i Bullgarisë”..
Vera është stina në të cilën zhvillohen festivalet më të shumta dhe të larmishme. Njëri prej tyre fillon sot, më 23 gusht, në Sevlievo. Aty, që nga viti 2017, kalaja "Hotaliç" është shndërruar në një skenë ku performojnë grupet vendase të rock-ut...
Me këngën “Momente” po shkojmë në breg të detit me Nikollën dhe Lindën, të cilët këndojnë për momentet e tyre të vërteta. Nikolla Dimitrov është autor i tekstit dhe recitativit, bazuar në atmosferën gjatë muajve të verës në bregdetin bullgar të..
Sot vera hyn në dhomat e klasës, bashkë me buzëqeshjen e fëmijëve... Dita e parë e shkollës është gjithmonë një shkak emocioni - si për më të vegjlit që..
Më 17 shtator Kisha Ortodokse Bullgare kremton dëshmoret e shenjta Sofia, Vjara, Nadezhda dhe Ljubov . Në këtë ditë shënojmë edhe festën e..