Në Olimpiadën Ndërkombëtare të Astronomisë dhe Astrofizikës në Brazil, nxënësit bullgarë fituan pesë medalje, njoftoi Shoqata e ekipeve olimpike në shkencat natyrore. Ky është konkursi më prestigjioz në astrofizikë, ku këtë vit morën pjesë mbi 260 nxënës të shkollave të mesme nga 53 vende. Nxënësit bullgarë fituan dy medalje argjendi dhe tre bronzi. Medaljet e argjendta i fituan Bajan Geçev (klasa e 12-të, Shkolla e mesme matematikore, Sofje) dhe Llora Llukmanova (klasa e 11-të, Shkolla e mesme matematikore), medaljet e bronzta u fituan nga Kallojan Canev (klasa e 11-të, Shkolla e Mesme Matematikore e Parë Private), Elena Jordanova (Klasa e 10-të, Shkolla e Mesme Matematikore në Ruse) dhe Stella Bineva (Klasa e 11-të, Shkolla e Mesme Natyrore dhe Matematikore në Haskovo.

Deri më tani në historinë e Olimpiadës Ndërkombëtare të Astronomisë dhe Astrofizikës, garuesit bullgarë kanë fituar 63 medalje - 14 ari, 23 argjendi dhe 26 bronzi.