Ujëvara e Niagarës u ndriçua me ngjyrat e flamurit bullgar me rastin e Ditës së Bashkimit të Principatës së Bullgarisë me Rumelinë Lindore. Në faqen e saj në Facebook, Konsullata e Përgjithshme e Bullgarisë në Toronto uroi festën me fjalët: “Idetë që na lanë trashëgim drejtuesit e Bashkimit në vazhdimësi të besëlidhjeve të Apostullit të Lirisë Vasill Levski, janë vlerat tona edhe sot, kur po ndërtojmë një Bullgari demokratike evropiane. Mësimet e patriotizmit nga ditët vendimtare të 1885-ës na detyrojnë të kujtojmë se “Bashkimi e bën forcën”.

Një nga qytetet më të mëdha kanadeze është një shtëpi e re amtare për mijëra bullgarë, si nga emigracioni i ri që erdhi menjëherë pas ndryshimeve në vitin 1989, ashtu edhe nga emigrantët nga Maqedonia e Egjeut dhe Vardarit në fillim të shekullit të XX-të, kujton BGNES. Në mesin e bullgarëve të njohur është prof. Boris Tanev, i lindur në Manastir të Maqedonisë së Vardarit, rektor i Universitetit të Torontos dhe fitues i Medaljes së Artë të Kanadasë.

• Madhështia e Bashkimit dhe pasojat e sindromës së bashkimit

• Bashkimi tregohet në kujdesin për të afërmin dhe kauzat e përbashkëta