Muzika e kompozitorit dhe pianist bullgar me famë botërore Millço Leviev do të tingëllojë sonte (më 28 tetor) në Sallën "Bëllgaria" në Sofje. Koncerti "Legjenda për Millço" i Ansamblit të Dhomës "Sofijski Solisti" nën drejtimin e Konstantin Dobrojkov është me pjesëmarrjen e veçantë të muzikantëve të tjerë yje bullgare. Ata do të prezantojnë temën origjinale nga filmi i vitit 1966 “Të hënën në mëngjes”. 

Me tingëllimin e saj të theksuar të xhazit, kjo muzikë u bë shprehje e lirisë personale dhe u bë një nga arsyet pse filmi u ndalua deri në vitin 1988. Për ta realizuar atë si vepër të pavarur, Millço Leviev ndryshoi titullin në "Mëngjes i ditës së javës”. Dhe kështu muzika mori jetën e saj të re skenike, të pavarur nga filmi. Disa vjet më vonë, Millço Leviev emigroi në SHBA. Për këtë arsye emri i tij u fshi si autor i muzikës në titullin e një sërë filmash.

Në vitin 2023, doli një album me muzikën filmike të Millço Leviev me interpretime dhe versione të reja të këngëve të bazuara në tekste të Viki Almazidu dhe Zllatna Kostova. Pesë këngë prej tij do të prezantohen në koncertin “Legjenda për Millço”, ndër të cilat “Mëngjesi i së hënës”.

Më shumë për muzikantin e madh bullgarë me famë botërore mund të lexoni nga koleksioni i Radio Bullgarisë:

• Filluan incizimet e projektit të ri të muzikantit bullgar xhaz Millço Leviev

• “Bisedë nga e kaluara” - një koncert me vepra të pa publikuara të muzikantit bullgar Millço Leviev

• Sot ndahemi me Millço Levievin – një muzikant i shquar me trashëgimi të paçmueshme muzikore

• Big Bеndi i Radios Kombëtare Bullgare surprizon me muzikën filmike të Millço Leviev në një aranzhim të ri

Redaktore: Diljana Traçeva

Përgatiti në shqip dhe publikoi: Svetllana Dimitrova