Nënpresidentja Ilijana Jotova e quajti Asamblenë e re Kombëtare "të paligjshme"

botuar më 24-11-07 5.38.MD

Foto: BTA

Nënpresidentja Ilijana Jotova e përshkroi Asamblenë Kombëtare të sapozgjedhur si "të paligjshme". Sipas saj, raportimet për shkelje dhe kërkesat e gjithnjë e më shumë partive për anulimin e zgjedhjeve e vënë në pikëpyetje drejtësinë e tyre. Ajo e tha këtë para gazetarëve gjatë vizitës së saj në qytetin Goce Dellçev, rajoni i Bllagoevgradit (Bullgaria Jugperëndimore).

“Zgjedhjet e fundit parlamentare janë precedent”, tha Jotova dhe vazhdoi: “Në historinë më të re të Bullgarisë gjithmonë është folur për tregti me ndikim, është folur për vota të blera, vota korporative, kërcënime, por tani kur në zonën tuaj janë ndryshuar gjysma e protokolleve, më duket se kjo tashmë vendos një diagnozë shumë të rëndë për të gjithë ne dhe për ndershmërinë e zgjedhjeve”, tha ajo.

Si detyrat më të rëndësishme të parlamentit të ri, ajo përcaktoi miratimin e buxhetit të vendit dhe ligjet që lidhen me fondet evropiane, veçanërisht në mbrojtjen ajrore, pasi Bullgaria është në vendin e fundit në marrjen e këtyre fondeve.

Presidenti Radev mbledh parlamentin më 11 nëntor. Në mbledhjen e parë katërorëshe të punës të formacioneve në parlamentin e ri, që u mbajt sot, më 7 nëntor, ata arritën të përcaktojnë vendet që do të zënë grupet parlamentare, ku debati më i madh është përcaktimi i vendeve në rreshtin e parë.

Lexoni më shumë:

A do të shkojmë në zgjedhje të tjera dhe gjer kur?

Последвайте ни и в Google News Showcase, за да научите най-важното от деня!

Ndaje

Nënpresidentja Ilijana Jotova e quajti Asamblenë e re Kombëtare "të paligjshme"

Më shumë nga rubrika

Presidenti ia referon kërkesën e kthyer për referendum mbi euron Gjykatës Kushtetuese

2 kilometra mbeten për t'u ndërtuar në anën bullgare të Korridorit Nr. 8

Një bullgar maqedonas në gjyq në Manastir për citimin e Ivan Mihajllov

Doc. Dr. Spas Tashev: Çdo "identitet maqedonas" përfshin edhe bullgarët