Galeria e Qytetit të Varnës përcjell vitin me një ekspozitë të studentëve të Universitetit të Veliko Tërnovos

botuar më 24-12-08 7.05.PD

Foto: Galeria e Varnës

Fakulteti i Arteve të Bukura në Universitetin e Veliko Tërnovos "Shën Kirill dhe Metodij" feston përvjetorin e gjysmëshekullit me një ekspozitë interesante të bazuar në punët e diplomës të studentëve dhe punimet e profesorëve aktualë të universitetit të kryeqytetit të vjetër. Ekspozita ndërton një urë vizuale midis historisë, së tashmes dhe vizionit për të ardhmen e fakultetit dhe artistëve që kanë përfunduar arsimin e tyre artistik atje. Punimet do të jenë të ekspozuara deri më 4 janar 2025 në Galerinë e Arteve të Qytetit "Boris Georgiev" në kryeqytetin tonë detar Varna.

Velina Staleva - Vitrazh - Teknika Tiffany dhe pikturë mbi xham, Korpus 5 i Universitetit të Veliko Tërnovos

Përzgjedhja e veprave shpalos themelet, frymën dhe mundësitë e paraqitura nga krijuesit e laboratorit arsimor për artistë në Veliko Tërnovo. Fakulteti i Arteve të Bukura u hap në gusht të vitit 1974, i nisur si degë e arsimit të lartë në Departamentit të Historisë, me trajnime për artet e bukura që datojnë që nga fillimi i institucionit në 1963.

Organizatorët e ekspozitës e përkufizojnë atë si një lloj "panorame" të thelbit artistik të Universitetit të Veliko Tërnovos - prezantohet e gjithë paleta e specialiteteve: Pikturë, Skulpturë, Grafikë, Dizajn Grafik dhe Komunikime Vizuale, Pikturë, Piktura Murale, Pedagogji e Edukimit të Arteve të Bukura dhe Studime Pamore.

"50 vjetor i Fakultetit të Arteve të Bukura. Në epokën e re me një pamje të re" është një përpjekje për të ngritur pyetje rreth arsimit të lartë artistik në Bullgari, për atë që është bërë deri më tani, veçanërisht nga Universiteti i Veliko Tërnovos dhe natyrisht, për të inkurajuar artistë të rinj në rrugëtimin e tyre jo të lehtë.

Përpiloi: Vesella Krësteva

Foto: Galeria e Arteve të Varnës

Përgatiti në shqip dhe publikoi: Kostandina Bello

Последвайте ни и в Google News Showcase, за да научите най-важното от деня!

Ndaje

Galeria e Qytetit të Varnës përcjell vitin me një ekspozitë të studentëve të Universitetit të Veliko Tërnovos

Galeria

Më shumë nga rubrika

Fillon edicioni i 43-të i Festivalit të Filmit Bullgar Artistik "Trëndafili i Artë"

Kopshtaria bullgare u shpall trashëgimi kulturore jomateriale në Hungari

“Besarabia – burim i bukurisë dhe atdhedashurisë” – ekspozitë digjitale fotografike në Pazarxhik

Shkrimtarja e njohur nga Kosova Majlinda Bregasi prezanton në Sofje romanin e saj “Gërsheti i prerë”