Konsultimet e presidentit Rumen Radev me forcat politike të përfaqësuara në parlament përfunduan para dorëzimit të mandatit të parë eksplorues. Sipas Kushtetutës, kreu i shtetit zhvillon konsultime me përfaqësues të grupeve parlamentare të formacioneve politike në Asamblenë e 51-të Kombëtare. Sot presidenti u takua me përfaqësues të “Demokracia, të Drejtat dhe Liritë-DPS” të Ahmed Doganit, Ka një popull të tillë (ITN) dhe “Morali, Uniteti, Nderi” (MEÇ). Në konsultime mori pjesë edhe nënpresidentja Ilijana Jotova.
Në takimin me DPS, presidenti vuri në dukje se partia po kalon një periudhë të vështirë, por me përvojën e akumuluar ndër vite në jetën politike bullgare, në parlament dhe në qeverisjen e vendit, ka potencial për të kontribuar për një proces më efektiv në përpjekjet për krijimin e qeverisë. Radev kujtoi gatishmërinë e shprehur të forcës së parë politike në parlamentin e ri për të bërë përpjekje për formimin e një kabineti të rregullt dhe shtoi se "Bullgaria Demokratike" do t'i bashkohet këtij procesi të dialogut. Nga ana e tij, kryetari i grupit parlamentar, Xhevdet Çakërov, theksoi se në këtë parlament të copëtuar, DPS nuk janë optimistë, por do të bëjë përpjekje për formimin e qeverisë. Ai siguroi se grupi i qaset situatës aktuale me seriozitet dhe përgjegjësi.
Në takimin me ITN, kreu i shtetit pyeti përfaqësuesit e partisë se cilat janë shanset e Asamblesë së 51-të Kombëtare për të formuar një qeveri të rregullt dhe cili mund të jetë roli i grupit të tyre parlamentar në këtë proces. Kryetari i grupit, Toshko Jordanov, theksoi se duhet të krijohet një qeveri, por kjo nuk duhet të bëhet me çdo çmim. Pas largimit nga presidenca, Jordanov tregoi se ata do të bisedojnë me të gjithë, me përjashtim të DPS - Fillimi i Ri të Deljan Peevskit.
Konsultimet përfunduan me bisedimet me MEÇ. Në takimin me ta, kreu i shtetit vuri në dukje se, edhe pse grupi më i vogël, në parlamentin aktual të copëtuar, çdo qëndrim dhe zë është i rëndësishëm. Kryetari i MEÇ Radostin Vasilev, nga ana e tij, theksoi se ky parlament është tepër i fragmentuar dhe zgjedhjet e parakohshme janë përfundim logjik i situatës së krijuar.
Lexoni më shumë nga arkivi ynë:
Foto: BTA, President.bg
Qeveria do të mbetet intolerante ndaj çdo forme korrupsioni. Këtë e tha kryeministri Rosen Zheljazkov nga foltorja parlamentare me rastin e hetimit të Prokurorisë Evropiane për zgjerimin e objektit nëntokësor të depozitimit të gazit..
Votimi i parë i mosbesimit ndaj qeverisë së Rosen Zheljazkov ishte, siç pritej, i pasuksesshëm. 150 deputetë hodhën poshtë mocionin e mosbesimit të grupeve parlamentare të "Vëzrazhdane", MEÇ dhe "Veliçie" për dështim në politikën e jashtme. Në..
“Kur kemi të bëjmë me diplomaci, duhet të merremi me faktet dhe të vërtetën zyrtare”, tha ministri i jashtëm Georg Georgiev në Kuvendin Popullor gjatë debateve të votës së mosbesimit ndaj qeverisë për shkak të dështimit të politikës së jashtme. Ai..
Situata politike duhet të na japë mundësinë të fillojmë të punojmë me bashkatdhetarët tanë jashtë vendit që kanë identitet dhe shtetësi bullgare, në..
Diell, re, shi, bubullime
Pjesërisht me re
Vranësira të dendura
Vranësira të ndryshueshme mundësi për reshje shiu