Kisha Ortodokse është një. Feja tradicionale në Bullgari është Ortodoksia Lindore dhe shprehësi dhe përfaqësuesi i vetëm i saj është Kisha Ortodokse Bullgare. Këtë e deklarova gjatë një takimi me Patrikun bullgar Daniill, shkroi kreu i GERB-it Bojko Borisov në profilin e tij personal në Facebook. Në publikimin e tij, Borisov kujton se e njëjta gjë shkruhet në dispozitat aktuale të Ligjit për Fetë. Shkak për komentin e Borisov është vendimi i Gjykatës së Lartë të Kasacionit i datës 16 dhjetor, i cili sipas Nenit 18 i Ligjit për Fetë legalizoi "Kishën Ortodokse Bullgare të Stilit të Vjetër". Në një njoftim të Gjykatës të datës 27 dhjetor, thuhet se Gjykata e Lartë respektoi vendimin e datës 20 prill 2021 të Gjykatës Evropiane të të Drejtave të Njeriut. Kundër vendimit të Gjykatës së Lartë tashmë u shprehën partia “Vëzrazhdane” dhe BSP.

• “Vëzrazhdane” do të mbrojë Patriarkanën Bullgare kundër një vendimi të Gjykatës së Lartë