Bullgaria po bën përparimin e nevojshëm drejt adoptimit të euros, sipas përfaqësuesve të institucioneve evropiane, me të cilët u takua ministrja e financave Temenuzhka Petkova. Kjo do t'i lejojë asaj të kërkojë raporte të jashtëzakonshme të konvergjencës nga Banka Qendrore Evropiane (BQE) dhe Komisioni Evropian (KE) për gatishmërinë për futjen e euros në një periudhë të shkurtër kohore, njoftoi Ministria e Financave. Në takimin e Këshillit për Çështje Ekonomike dhe Financiare të BE-së, Petkova u takua me guvernatoren e BQE-së, Christine Lagarde dhe shefin e Eurogrupit, Paskal Donahue.

"Ne patëm një bisedë të parë shumë konstruktive me ministen bullgare të financave dhe presim bashkëpunimin tonë të rëndësishëm në të ardhmen," shkroi Komisioneri Evropian për Ekonominë Valdis Dombrovskis në profilin e tij në "X", duke shtuar se KE do të vazhdojë të mbështesë Bullgarinë në rrugën drejt anëtarësimit në eurozonë.