Në mënyrë festive dhe me respekt ndaj përvjetorit të 143 të lindjes së Vlladimir Dimitrov - Mjeshtrit, Galeria e Arteve e Qytetit Kjustendill jep Çmimin Kombëtar të Pikturimit për vitin 2024 me emrin e piktorit të famshëm bullgar.

• Vlladimir Dimitrov – Mjeshtri - një nga figurat më të shquara në artin figurativ bullgar

• Vlladimir Dimitrov-Mjeshtri: “Që të jemi mirë, duhet të jemi më bujarë njëri ndaj tjetrit“

Për çmimin u nominuan pesë piktorë të shquar – Bogdan Aleksandrov, Velin Dinev, Krasimir Karabaxhakov, Krasimir Rusev, Nikollaj Janakiev. Sipas një tradite të vjetër, emri i fituesit të çmimit shpallet në një ceremoni solemne në galeri në ditën e lindjes së Vlladimir Dimitrov – Mjeshtrit - 1 shkurt.

• Më 1 shkurt, Kjustendili bëhet qendra e pikturës

Në të njëjtën ditë, në Kjustendill hapet ekspozita e pikturave të fituesit të vitit të kaluar të Çmimit Kombëtar të Pikturimit - Dimitër Çollakov nga qyteti Popovo, biografia krijuese e të cilit përfshin mbi 50 ekspozita vetjake në Bullgari dhe jashtë saj.

Çmimi i parë me emrin e Mjeshtrit u dha në vitin 1973, kur u themelua nga Lidhja e Piktorëve Bullgarë. Deri në vitin 1989, kishte 39 laureatë, mes tyre piktorë emblematikë bullgarë si Zllatju Bojaxhiev, Nenko Ballkanski, Ilija Petrov, Genko Genkov, Millko Bozhkov etj. Megjithatë, tradita u ndërpre për të rifilluar në vitin 2012, kur çmimi iu dha Prof. Andrej Daniel (1952-2020).

Lexoni më shumë nga koleksioni i Radio Bullgarisë:

• Vlladimir Dimitrov-Mjeshtri ka ruajtur për të ardhmen bukurinë e Bullgarisë së dikurshme

• Kujtime për piktorin e madh bullgar Vlladimir Ddimitrov – Mjeshtri

Përpiloi: Gergana Mançeva

Përgatiti në shqip dhe publikoi: Svetllana Dimitrova

Foto: BTA