Viti 2024 ishte më shumë se një vit i suksesshëm për B.T.R. – një nga grupet më të rëndësishme të rock-ut bullgar festoi 30 vjetorin e tij me një turne kombëtar për përvjetorin dhe një turne evropian. Viti i ri 2025 do të jetë i mbushur me jo më pak sfida, sepse ata po planifikojnë dy turne - një turne kombëtar dhe një turne botëror.
Turneu kombëtar 2025 fillon me një koncert më 7 shkurt në Sofje dhe vazhdon në Varna, Plovdiv dhe Stara Zagora. Më pas, muzikantët nisen për në Gjermani, ku më 22 shkurt në Mjunster do të mbajnë një koncert me ftesë të Shoqatës Kulturore Bullgare "Bullgaria e Vogël".
Duke filluar nga 27 shkurti, ata do të nisin një turne botëror dy mujor në kontinente të ndryshme. Fillon në Dubai, e ndjekur nga Tokio dhe Honolulu. Më 7 mars do të jetë koncerti i tyre i parë në kontinentin e Amerikës së Veriut.
"Ne duam t'i bëjmë këto koncerte - thotë kitaristi dhe autor kryesor i muzikës së B.T.R., Sllavço Nikollov, i cili bëri një turne në disa prej këtyre vendeve me supergrupin bullgar "Fondaciata" disa vite më parë, por pritjet nuk janë më pak emocionuese tani. – Për B.T.R. ky do të jetë koncerti i parë në Tokio. Ne gjithashtu do të luajmë në Honolulu për herë të parë. Ka disa qytete në Shtetet e Bashkuara që nuk i kemi vizituar në turnetë tanë të mëparshëm. Është gjithmonë emocionuese të takosh një publik të ndryshëm dhe të marrësh vlerësimin e njerëzve që na shikojnë drejtpërdrejt për herë të parë.”
I pyetur se çfarë lloj publiku presin në turneun e tyre botëror, bateristi i B.T.R. Ilijan Dikov përgjigjet:
"Të ndryshme, por kryesisht bullgare. Sepse ne jemi një grup që kemi 30 vjet që mbështetemi në gjuhën amtare, kështu që bullgarët janë publiku kryesor.Sigurisht, me ta ka gjithmonë miq, të njohur, të dashur, bashkëshorte, bashkëshortë... Pra në koncerte kemi edhe jo pak miq që janë të një etnie tjetër përveç bullgarëve."
I fundit nga gjithsej 26 koncertet në "Turneun Botëror 2025" të B.T.R. planifikohet për 13 prill në Kanada. Nga atje muzikantët kthehen në Bullgari për të rifilluar turneun e tyre kombëtar në teatrot verore në vend, i cili tradicionalisht do të përfundojë me një koncert të madh më 8 tetor në Sofje.
Muzikantët e formacionit B.T.R kanë ndërmend të përfshijnë në koncerte shumë këngë të vjetra, si dhe më të rejat që u pëlqyen nga fansat që në dëgjimin e parë.
Një nga dhjetëra hitet e formacionit B.T.R. është "100 Shpresa" nga albumi i vitit 2014 "Pse". Kënga është e bazuar në muzikën e Sllavço Nikollovit, tekstin e Aleksandër Petrovit, ndërsa aranzhimi është i grupit. Muzikantët e ftuar përfshijnë Stojan Jankullov - Stunxhi bateri, Kirill Nikollov - gajde dhe Jasen Vellçev - tastierë.
Lexoni më shumë nga koleksioni i Radio Bullgarisë:
Përgatiti në shqip dhe publikoi: Svetllana Dimitrova
Foto: Facebook/ B.T.R.
Artistë nga breza të ndryshëm bashkojnë pikëpamjet e tyre mbi dashurinë në këngën "Koha e së Ardhmes". Këngëtari i dashur bullgar Orlin Goranov arrin të rikrijojë secilën këngë në mënyrën e tij unike. Kjo i përket edhe këngës së re "Koha e së Ardhmes"..
Pavarësisht se u bë më i njohur për publikun përmes pjesëmarrjes në sezonin e dhjetë të formatit televiziv “Zëri i Bullgarisë” dhe ka mbi 60 mijë ndjekës në TikTok, rruga profesionale e këngëtarit të ri Severin Georgiev fillon shumë më herët. Ai kreu..
Me rastin e festës së 6 Shtatorit, kushtuar një ngjarjeje të rëndësishme historike – Bashkimit të Bullgarisë, kujtojmë një marsh legjendar patriotik bullgar. Me siguri në shtatorin e vitit 1885, “Një Amanet” nuk ka shoqëruar as kryengritjet popullore në..
Disa ditë para koncertit të saj të dytë të madh në Sallën 1 të Pallatit Kombëtar të Kulturës (22 tetor), Mihaellla Fileva prezanton këngën e saj të re..
Grupi B.T.R. i jep fund turneut kombëtar me një koncert më 8 tetor në Sallën 1 të Pallatit Kombëtar të Kulturës në Sofje. Ashtu si edhe gjatë gjithë..
Vranësira të dendura me shi
Reshje të shkurta
Reshje