Më 13 dhe 14 mars 2025 në Sofje do të mbahet Konferenca "Festivali dhe qyteti", e organizuar nga Shoqata Bullgare e Festivaleve me pjesëmarrjen ndërkombëtare të ekspertëve të Shoqatës Evropiane të Festivaleve. Gjatë forumit do të bëhet një analizë e gjendjes së sektorit të festivaleve në Bullgari dhe do të ndahet përvoja e mirë evropiane. Do të diskutohen temat kryesore: financimi, qëndrueshmëria, politikat dhe strategjitë kulturore për zhvillimin e festivaleve artistike.

Moderatorë të konferencës janë Vasill Dimitrov - Kryetar i Bordit të Drejtorëve të Shoqatës Bullgare të Festivaleve dhe kryetar i Festivalit Muzikor Evropian dhe Svetllomira Stojanova - menaxhere kulturore dhe kryetare e Komitetit të Ndërlidhjes së organizatave joqeveritare me UNESCO-në.

Programi do të prezantojë festivale prestigjioze - anëtarë të Shoqatës Bullgare të Festivaleve, si dhe komuna - organizatorë të festivaleve, si Burgas, Varna dhe Sofje.

Ndër lektorët janë Natalia Osko-Jakab - drejtoreshë e Festivalit "Lugina e Arteve" (Hungari) dhe anëtare e bordit të Shoqatës Evropian të Festivaleve, Odri Brisak nga Shoqata Evropiane e Festivaleve, drejtoret e Institutit polak në Sofje - Ivona Jakushko-Dudka dhe e Qendrës Kulturore Çeke - Radka Rubilina.

Një moment kyç në program është tryeza e rrumbullakët "Politikat financiare për festivalet artistike - çfarë po vjen?" me përfaqësues të bashkive, Ministrisë së Kulturës, Fondit Kombëtar të Kulturës dhe ekspertë në fushën e festivaleve.
Projekti realizohet me mbështetjen financiare të Programit "Krijimi" të Fondit Kombëtar të Kulturës dhe Programit "Kultura" të Komunës së Sofjes.

Redaktore: Cvetana Tonçeva

Përgatiti në shqip dhe publikoi: Svetllana Dimitrova