Gjithsej 59 persona humbën jetën dhe 155 u plagosën nga zjarri gjatë një koncerti të grupit të njohur “DNA” që shpërtheu mbrëmë në diskotekën “Pulsi” në qytetin e Koçanit, që ndodhet në pjesën lindore të Maqedonisë së Veriut, 65 km nga kufiri me Bullgarinë.
Një pjesë e të plagosurve tashmë janë transportuar për mjekim në Bullgari, Greqi, Turqi dhe Serbi. Ata u transportuan në Bullgari me aeroplanin ushtarak “Spartan” dhe spitalet në Sofje, Plovdiv dhe Varna po pranojnë shtetas të RSM që kanë nevojë për trajtim. Vendi ynë është gati të pranojë më shumë viktima.
Qeveria e fqinjit tonë jugperëndimor ka shpallur shtatë ditë zie në të gjithë vendin.
Gjatë gjithë ditës të dielën, krerët e shteteve dhe liderët e Bashkimit Evropian u shprehnin ngushëllimet e tyre familjeve të viktimave dhe popullit të Maqedonisë së Veriut.
Presidenti i Këshillit Evropian Antonio Costa shkroi në “X”: “Zemra ime është thyer nga humbja e kaq shumë të rinjve në zjarrin e tmerrshëm në Koçan”, dhe shtoi se Bashkimi Evropian qëndron në solidaritet me Maqedoninë e Veriut në këtë moment të trishtuar.
“Evropa mban zi me ju në këtë ditë tragjike”, shkroi Presidentja e Parlamentit Evropian Roberta Metzola në rrjetet sociale, ndërsa Përfaqësuesja e Lartë e Bashkimit Evropian për Politikë të Jashtme dhe Siguri, Kaia Kallas, theksoi se BE ndan trishtimin dhe dhimbjen e popullit të Maqedonisë së Veriut.
Edhe institucionet shtetërore bullgare siguruan se vendi ynë ndan dhimbjen e Maqedonisë së Veriut pas zjarrit në Koçan dhe ofruan ndihmën e tij.
Në bisedë me Presidenten e Republikës së Maqedonisë së Veriut, Gordana Siljanovska-Davkova, Kreu i Shtetit bullgar, Rumen Radev, shprehu ngushëllime për familjet që humbën më të dashurit e tyre.
“Bullgaria ofroi ndihmën e saj në formën e trajtimit për viktimat e zjarrit në Republikën e Maqedonisë së Veriut”, njoftoi në Facebook Kryeministri Rosen Zheljazkov, i cili gjithashtu urdhëroi gatishmëri të plotë për të ofruar ndihmë mjekësore në objektet tona klinike.
Edhe vendet e tjera në rajon kanë shprehur simpati dhe kanë ofruar ndihmë për Maqedoninë e Veriut.
Foto: BGNES, BTA
Çdo shkollë bullgare jashtë vendit ka historinë e saj, dhe ajo e shkollës "Rodna Strjaha" në Qipro hapi dyert e saj në vitin 2015. Në themel të saj është ëndrra e një mësueseje bullgare – që një ditë, kur fëmijët bullgarë të vendosin të kthehen në..
Përmirësimi i superkompjuterit bullgar Discoverer tashmë përfundoi me sukses dhe makina tani ka sisteme të reja që mundësojnë ofrimin e shërbimeve të specializuara shtesë në fushën e inteligjencës artificiale për biznesin, komunitetin shkencor dhe..
Që nga themelimi i tij më 11 prill 2022, Instituti për Shkenca Kompjuterike, Inteligjencë Artificiale dhe Teknologji – INSAIT ka arritur një sërë suksesesh dhe vazhdon ta pozicionojë Bullgarinë në hartën globale të teknologjisë. Disa..
Ngjarje të ndryshme në të gjithë vendin zhvillohen orë para se të mirëpresim Ngjalljen e Krishtit . Në Sofje, Fondacioni "Varet nga Ne"..
E gjithë bota e krishterë feston sot Ngjalljen e Ndritshme të Krishtit. Për popujt ortodoksë, kjo është dita më e ndritur - Festa e Festave, e cila..
Patriarku bullgar dhe Mitropoliti i Sofjes Daniil përshëndeti besimtarët me "Krishti u ringjall!" dhe në fjalimin e tij të Pashkëve theksoi detyrën e të..
Diell, re, shi, bubullime
Pjesërisht me re
Mot i kthjellët
Vranësira të ndryshueshme mundësi për reshje shiu
Vranësira të dendura