Nga frika e votës së qytetarëve bullgarë në një referendum mbi gatishmërinë e Bullgarisë për të futur euron në vitin 2026, sot shumica e re në Parlament shkeli Kushtetutën dhe ligjet, duke përdorur kryetarin e Asamblesë Kombëtare. Kështu shkroi Presidenti Rumen Radev në qëndrimin e tij në përgjigje të vendimit të Kryetares së Parlamentit Natalija Kisellova për të mos pranuar për shqyrtim në parlament propozimin e tij për të mbajtur një referendum me pyetjen "A jeni dakord që Bullgaria të miratojë monedhën e vetme evropiane "euro" në vitin 2026?".

• Parlamenti nuk do ta shqyrtojë kërkesën e presidentit për referendum mbi euron

"Ky akt shkatërron besimin e pakët të mbetur në institucione dhe demaskon pretendimet e tyre se ata punojnë në interes të popullit dhe marrin parasysh vullnetin e tij. Shumica parlamentare po lëviz drejt eurozonës, por po e largon Bullgarinë nga Evropa e demokracisë dhe ligjshmërisë", thekson gjithashtu presidenti.

• Çfarë po “thotë” presidenti me propozimin e tij për një referendum mbi futjen e euros në vendin tonë?

Redaktoi: Miglena Ivanova

Përgatiti në shqip dhe publikoi: Vesella Mançeva