Mbi 2200 fëmijë nga e gjithë Bullgaria, Bosnja e Hercegovina, Kosova, Moldavia, Republika e Maqedonisë së Veriut, Serbia, Mali i Zi, Ukraina po marrin pjesë në Festivalin e 22-të Ndërkombëtar Etno për Fëmijë "Fëmijët e Ballkanit - me spiritualitet në Evropë". Forumi në fshatin Minerallni Bani të Haskovos u hap sot, më 30 maj, nga nënpresidentja Ilijana Jotova dhe do të vazhdojë deri më 1 qershor, Ditën e Fëmijëve.
"Minerallni Bani për tri ditë do të jetë kryeqyteti i fëmijëve nga Ballkani, nga Ukraina dhe Moldavia - me kaq shumë ngjyra, kostume shumëngjyrëshe, talent, bukuri. Zakonisht Ballkani përmendet si një burim konfliktesh dhe përçarjesh. Ky festival dëshmon se ka shumë njerëz që tregojnë anën tjetër të Ballkanit përmes talenteve të fëmijëve tanë”, tha Jotova në fjalinë e saj përshëndetëse.
Festivali organizohet nga Konfederata e Sindikatave të Pavarura në Bullgari dhe Fondi Bamirës "Prof. Dr. Zheljazko Hristov" me ndihmën e Bashkisë Minerallni Bani.
Redaktoi: Miglena Ivanova
Përgatiti në shqip dhe publikoi: Svetllana Dimitrova
Foto: Presidenca
Bashkia e Gabrovos ka marrë fonde prej gati 17 milionë levash për zhvillimin e një "lugine inovacioni". Projekti parashikon transformimin e ish-shkollës “Radion Umnikov” në një qendër për aftësi dixhitale dhe inovacion, si dhe ndërtimin e një zone..
Në vitin 2005, Agjencia Ekzekutive për Bullgarët Jashtë Shtetit nisi takimin e parë të shkollave bullgare jashtë vendit – një ngjarje që u përsërit një vit më vonë, dhe në vitin 2007 u hodh hapi tjetër i madh: themelimi i Shoqatës së Shkollave Bullgare..
Instituti i Shkencave Kompjuterike, Inteligjencës Artificiale dhe Teknologjisë (INSAIT) në Universitetin e Sofjes "Shën Kliment Ohridski" prezantoi pesë punime shkencore në Konferencën Ndërkombëtare mbi Mësimin Automatik (ICML 2025), njoftoi..