Bullgaria dhe Kazakistani do të punojnë për zhvillimin e korridorit ndërkombëtar të transportit Trans-Kaspik, i njohur si "Korridori i Mesëm". Kjo u ra dakord nga presidentët e të dy vendeve, Rumen Radev dhe Kasëm Zhomart Tokaev, në Astana. Një memorandum për këtë qëllim u nënshkrua në prani të të dy presidentëve, njoftoi e dërguara speciale e Radios Kombëtare Bullgare në Kazakistan, Mira Stefanova.
Të dyja vendet ranë dakord gjithashtu të thellojnë bashkëpunimin e tyre në tregti dhe investime. Tokaev theksoi gatishmërinë e Kazakistanit për të inkurajuar më shumë kompanitë bullgare për të investuar në vend.
"Bullgaria është një partner strategjik për Kazakistanin", tha ai, duke theksuar rëndësinë e projekteve të përbashkëta në fushat e gazit natyror, naftës, energjisë bërthamore, inovacionit dhe inteligjencës artificiale.
"Sot, rruga ndërkombëtare e transportit Trans-Kaspik u bë një nga autostradat kryesore ndërkombëtare. Ne ramë dakord të shqyrtojmë çështjen e përfshirjes së porteve bullgare të Burgasit dhe Varnës në këtë korridor", theksoi Presidenti i Kazakistanit. Rruga ndërkombëtare e transportit Trans-Kaspik kalon nëpër Kinë, Kazakistan, Detin Kaspik, Azerbajxhan dhe Gjeorgji. Miliona ton mallra transportohen në Evropë çdo vit përgjatë kësaj rruge.
Të martën, më 10 qershor, fillon vizita zyrtare e Radev në Uzbekistan.
Redaktoi: Miglena Ivanova
Përgatiti në shqip dhe publikoi: Vesella Mançeva
Foto: president.bg
Ministria e Punëve të Jashtme e Bullgarisë njoftoi përmes një komunikate për mediat se shpreh keqardhje të thellë për shkak të incidentit të rëndë që ndodhi më 4 nëntor 2025 në qytetin e Gjakovës, në Republikën e Kosovës, ku një qytetar bullgar,..
Komisioni Evropian vendosi të mbajë 215 milionë euro nga pagesa e dytë e Planit Kombëtar për Rimëkëmbje dhe Qëndrueshmëri të Bullgarisë, njoftoi për BNR Komisioni. Vendi do të marrë 439 milionë euro. Mbajtja e një pjese të pagesës lidhet me..
Me 111 vota pro, 51 kundër dhe 43 abstenime, parlamenti miratoi krijimin e një komisioni të përkohshëm, i cili do të hetojë veprimtarinë e George Soros dhe të djalit të tij, Aleksandër Soros, si dhe të fondacioneve të tyre në Bullgari. Komisioni do..
Të shtunën , temperaturat minimale do të lëvizin nga 7 deri në 12°C, ndërsa në Sofje do të jenë rreth 8°C. Në orët e mëngjesit , vende-vende në..
Anija kërkimore "Shenjtorët Kirili dhe Metodi" (NIK 421) u nis nga Varna pas një ceremonie solemne të nisjes në Stacionin Detar. Në udhëtimin e saj të..
Kompania e regjistruar në Zvicër “Gunvor” njoftoi se tërheq ofertën e saj për të blerë asetet jashtë vendit të “Lukoil”-it, mes të cilave është edhe..
Reshje
Vranësira
Reshje intensive
Vranësira të dendura me shi