Ish-zëvendësministri i financave, Georgi Klisurski, nga "Po e vazhdojmë ndryshimin" (PP) njoftoi se po largohet nga partia PP. Në një postim në Facebook, Klisurski shkroi: "Po largohem nga PP. I zhgënjyer dhe i neveritur".
Bashkëpartiaku i tij, Stoill Mollov, gjithashtu njoftoi se paraqiti kërkesë për ndërprerjen e anëtarësimit të tij në PP, njoftoi BGNES. "Si një demokrat i sinqertë dhe person me bindje të djathta, mendoj se janë të nevojshme dorëheqje të tjera, sepse përveç Kirill Petkovit, ka të paktën edhe tre persona të tjerë që bënë jashtëzakonisht shumë për të na kthyer ne – anëtarët e partisë dhe gjithë komunitetin demokratik – në një objekt talljeje në sytë jo vetëm të shumicës së korruptuar, por edhe në sytë e njerëzve tanë të afërt", shkroi Mollov në Facebook.
Një ditë më parë, më 25 qershor, Kirill Petkov dha dorëheqjen si bashkëkryetar i PP-së dhe si deputet. Petkov e arsyetoi vendimin e tij me marrjen e përgjegjësisë politike pas skandalit me kryebashkiakët e lagjeve “Mlladost” dhe “Ljulin” dhe dy këshilltarë bashkiakë, të cilët gjithashtu u larguan nga PP me akuza se ndaj tyre ushtrohet presion për të manipuluar prokurimet publikë dhe për të devijuar fonde financiare drejt arkës së partisë.
Komisioni i Antikorrupsionit kreu kontrolle në Bashkinë e Sofjes. Pas kontrolleve, Prokuroria e Qytetit të Sofjes akuzoi katër persona për marrje ryshfeti dhe pjesëmarrje në grup të organizuar kriminal. Pasoi arrestimi i nënkryetarit të Bashkisë së Sofjes, Nikolla Barbutov, përgjegjës për “Politikat Evropiane, aktivitetin ndërkombëtar dhe turizmin”. Atij iu ngritën dy akuza – për pjesëmarrje në një grup të organizuar kriminal dhe për premtim ryshfeti, njoftoi agjencia BTA.
Redaktoi: Darina Grigorova
Përgatiti në shqip dhe publikoi: Svetllana Dimitrova
Foto: BTA
Policia ka neutralizuar një grup të krimit të organizuar që transportonte emigrantë nga Burgasi përmes Sofjes deri në kufirin serb, tha në një konferencë për shtyp Prokurorja e Qarkut të Sofjes, Natalija Nikollova. Ajo tregoi se u kontrolluan 13..
Zëvendëskryeministrat dhe ministrat e transportit, Grozdan Karaxhov dhe Aleksandër Nikolloski, nënshkruan në Gjueshevo një Marrëveshje për fillimin e ndërtimit të tunelit hekurudhor midis Bullgarisë dhe Republikës së Maqedonisë së Veriut. Objekti është..
Anija fantazmë “VIVA 962” ndryshoi të paktën 10 emra dhe shumë pronarë përpara se të shfaqej çuditërisht pranë Kepit Emine më 1 nëntor. Ekuipazhi përbëhet nga një kapiten dhe një mekanik me pasaporta ukrainase nga Harkivi, raporton portali "24 Çasa"...
Ministria e Punëve të Jashtme e Bullgarisë njoftoi përmes një komunikate për mediat se shpreh keqardhje të thellë për shkak të incidentit të rëndë që..
Me 111 vota pro, 51 kundër dhe 43 abstenime, parlamenti miratoi krijimin e një komisioni të përkohshëm, i cili do të hetojë veprimtarinë e George Soros..
Të enjten , temperaturat minimale do të jenë nga 6 deri në 11°, në Sofje - rreth 8°. Gjatë ditës do të kemi mot me reshje. Reshjet do të jenë më të..