Kur vizitoi Ballçikun në vitin 1921, Mbretëresha rumune Maria u mahnit nga bukuria e zonës dhe shpejt vendosi të kthehej dhe të qëndronte. Në vitin 1924, filloi ndërtimi i një kompleksi pallatesh për mbretëreshën. Projekti ishte nga arkitektë italianë dhe ndoqi kërkesën e Marias - që ndërtesa të mos shkelte madhështinë e bregdetit piktoresk, i cili e kishte magjepsur atë në shikim të parë.
Së pari, u ndërtua rezidenca e mbretëreshës, dhe deri në vitin 1936, u ndërtuan gjithashtu një faltore ortodokse, disa vila, një shtëpi tradicionale bullgare e Rilindjes, oborre në stilin maur dhe shatërvanë me imazhe të personazheve mitologjike. Kompleksi i pallatit kombinon elementë arkitekturorë në stile të ndryshme – bullgare të vjetra, bizantine, gotike, maure, orientale, transilvane. Kopshtet e veçanta të Pallatit bartin gjithashtu gjurmët e kulturave dhe stileve të ndryshme.
Sot, kompleksi arkitektonik dhe i parkut në Ballçik është një vend që duhet ta vizitojnë të gjithë vizitorët e bregdetit vendas të Detit të Zi. Dhe nga 30 qershori deri më 3 korrik 2025, "Pallati" ofron gjithashtu një përvojë ekskluzive për dashamirësit e muzikës - Festivalin e parë të Muzikës së Dhomës në bregdetin verior të Detit të Zi me katër mbrëmje në atmosferën unike të kompleksit.
Violonçelisti i ri dhe jashtëzakonisht i talentuar nga Rumania Stefan Cazacu (laureat i konkurseve prestigjioze, i cili e ka vizituar vendin tonë më shumë se një herë) dhe pianistja e shquar bullgare Margarita Ilieva do të hapin programin e festivalit me "Romancë për violonçel dhe piano" më 30 qershor. Më 1 korrik, Kuarteti Bullgar i Harqeve Art&Shock String Quartet do të paraqesë një program që ndërthur motive etno me vepra klasike. Mbrëmja tjetër, do të na provokojë me një projekt ndërkombëtar që kombinon spontanitetin e xhazit me strukturën e muzikës klasike. Do të marrin pjesë flautistja Ketija Karahona, klarinetisti Michael Moore, klarinetisti bas Federico Calcagno dhe saksofonisti bullgar Hristo Goleminov (trashëgimtar i dy familjeve të famshme muzikore - Goleminov dhe Badev).
Nata e fundit e filmave më 3 korrik titullohet "Sherlock Jr." Kryevepra e filmit pa zë e vitit 1924, me regji nga Buster Keaton, merr jetë me muzikën e kompozitorit amerikan Stephen Prutsman, të interpretuar nga Ljubomir Denev-biri - piano dhe Kuarteti i Harqeve Art&Shock String Quartet.
Drejtoresha artistike e Festivalit të ri të Muzikës së Dhomës "Në Pallat" - Graziella Panajotova-Georgieva, fton të gjithë adhuruesit e muzikës klasike dhe xhazit në Ballçik, sepse nuk mund të imagjinojë një vend më të përshtatshëm për festime muzikore, me historinë e tij legjendare dhe atmosferën romantike.
Lexoni më tepër:
Përpiloi: Cvetana Tonçeva
Përgatiti në shqip dhe publikoi: Vesella Mançeva
Foto: BTA, vdvoreca.com, facebook.com/dvoreca, pronewsdobrich.bg
Një nga ikonat e muzikës franceze me origjinë bullgare – Silvi Vartan – do të vijë në Sofje në muajin tetor si e ftuars speciale në edicionin e 11-të të CineLibri, njoftojnë organizatorët e Festivalit Ndërkombëtar të Filmit dhe Letërsisë. Këngëtarja u..
Një ekspeditë arkeologjike, e udhëhequr nga Doc. Dr. Boni Petrunova – drejtoreshë e Muzeut Historik Kombëtar të Bullgarisë, zbuloi një statujë masive prej bronzi të një perëndeshë nga panteoni greko-romak. Artefakti u gjet në dhoma banimi në të..
“Banorët eqyteteve Veliko Tërnovo dhe Gabrovo e meritojnë të jenë kandidatura fituese për Kryeqytetin e ardhshëm Evropian të Kulturës në Bullgari, për vitin 2032”, deklaroi kryetari i bashkisë së qytetit historik Veliko Tërnovo, Daniell Panov. Ideja..
Një nga ikonat e muzikës franceze me origjinë bullgare – Silvi Vartan – do të vijë në Sofje në muajin tetor si e ftuars speciale në edicionin e 11-të të..
Një ekspeditë arkeologjike, e udhëhequr nga Doc. Dr. Boni Petrunova – drejtoreshë e Muzeut Historik Kombëtar të Bullgarisë, zbuloi një statujë masive..