Një nga ikonat e muzikës franceze me origjinë bullgare – Silvi Vartan – do të vijë në Sofje në muajin tetor si e ftuars speciale në edicionin e 11-të të CineLibri, njoftojnë organizatorët e Festivalit Ndërkombëtar të Filmit dhe Letërsisë. Këngëtarja u nda me adhuruesit e saj në Bullgari në vitin 2018, përmes dy koncerteve të mëdha në Sofje dhe Varna, dhe që nga ajo kohë nuk ka pasur paraqitje publike në vendlindje, kujtojnë organizatorët.
Silvi Vartan do të mbërrijë në Sofje më 24 tetor për Ceremoninë festive të ndarjes së çmimeve për veprat më të spikatura dhe do të dorëzojë personalisht Çmimin e Nderit për arritje të jetës dhe kontribut në artin e kinematografisë, që këtë vit i jepet një tjetër “yll” i madh ndërkombëtar – regjisores Agnieszka Holland.

Silvi Vartan do të prezantojë dokumentarin e regjisorit Georgi Toshev, „Silvi Vartan. Nga dashuria“, i cili i kushtohet jetës dhe rrugëtimit të saj artistik. Më 26 tetor, në prani të Silvi Vartan dhe Roland Perez, do të mbahet premiera zyrtare e komedisë dramatike „Nëna dhe mrekullia e jetës“, me regji të Ken Scott. Filmi është një bashkëprodhim midis Francës dhe Kanadasë dhe rrëfen historinë e vërtetë të Roland Perez, bazuar në librin e tij „Nëna ime, Zoti dhe Silvi Vartan“. Rolin kryesor e rikrijon Leïla Bekhti, ndërsa përkrah saj luajnë Jonathan Cohen, Joséphine Japy dhe vetë Silvi Vartan, e cila spikat në ekran me një prani plot hijeshi dhe finesë. Filmi është ndër më të suksesshmit në Francë për këtë vit, duke kryesuar në arkëtime që nga fillimi i vitit.
Silvi Vartan ka dy libra të botuar edhe në bullgarisht: „Nëna…“ dhe „Fjalë pas fjale“ – dy rrëfime të ndjera për forcën e dashurisë dhe për guximin e atyre që janë detyruar të jetojnë në mërgim.
Lexoni më shumë në arkivin e Radio Bullgarisë:
Redaktoi: Darina Grigorova
Përgatiti në shqip dhe publikoi: Svetllana Dimitrova
Foto: Shtëpia botuese “Kolibri”
Ylli i skenës bullgare, Silvija Tomova, ka përfunduar Akademinë Shtetërore të Baletit “A. J. Vaganova” në Shën Petersburg. Karriera e saj është e lidhur me Operën dhe Baletin Kombëtar, ku si primabalerinë ka interpretuar mbi 90 role në tituj klasikë..
Bashkëprodhimi bullgaro-anglez “Lojërat e Djallit” mori çmimin për “kinematografinë më të mirë” në Festivalin prestigjioz të Filmit Chelsea në New York. Kjo u njoftua në Facebook nga Konsullata e Përgjithshme e Bullgarisë në New York. Filmi..
“Vij në Bullgari për t’u mbushur me ndjenja të reja” – këtë na ndau Desisllava Cvetkova, e cila kaloi 14 vjet në kryeqytetet e Evropës së Bashkuar, duke punuar në administratën e Komisionit Evropian. Kohët e fundit Desisllava është përsëri në atdheun..