Bullgaria do të jetë një shtyllë e disiplinës fiskale brenda eurozonës, deklaroi nga Brukseli ministrja e financave Temenuzhka Petkova gjatë ceremonisë zyrtare të nënshkrimit të dokumenteve përfundimtare për anëtarësimin e vendit në eurozonë dhe vendosjen e euros nga 1 janari 2026. Në ceremoni morën pjesë Stephanie Lose, ministre e ekonomisë së Danimarkës (vendi që sipas rotacionit kryeson presidencën e BE-së), komisioneri evropian për ekonominë Valdis Dombrovskis, kryetari i Eurogrupit Paschal Donohoe dhe nënkryetari i Bankës Qendrore Evropiane Luis de Guindos.

“Kjo është një arritje e madhe për vendin tonë, një ditë historike. Janë dashur vite përpjekje dhe këmbëngulje për të arritur deri këtu. Le ta urojmë këtë sukses dhe të gëzohemi – na presin vetëm momente të bukura”, u shpreh Petkova, e cituar nga BTA.

Redaktoi: Ivo Ivanov

Përgatiti në shqip dhe publikoi: Svetllana Dimitrova