Shqipëria është jashtëzakonisht e angazhuar në çështjet e sigurisë dhe paqes në rajon, tha kryetarja e Kuvendit të Shqipërisë, Elisa Spiropali, e cila ndodhet për vizitë zyrtare në Sofje. Pas takimit me homologen e saj bullgare, Natalija Kisellova, ajo shtoi se Tirana ka nënshkruar një marrëveshje për bashkëpunim trepalësh me Kosovën dhe Kroacinë, dhe shpreson që më tej edhe Bullgaria të bashkohet. Qëllimi është të përballemi me sfidat e sigurisë, të forcojmë kapacitetet mbrojtëse dhe të garantojmë paqen në një situatë delikate, e ndikuar nga zhvillime të vështira ndërkombëtare, theksoi Spiropali, e cituar nga BTA.

Në ditën e parë të vizitës së saj në Sofje, Spiropali u takua me kryeministrin Rosen Zheljazkov. Ai theksoi se Bullgaria e konsideron Shqipërinë një partnere të besueshme dhe të ndershme. “Dy vendet tona janë aleatë të qëndrueshëm në kuadër të NATO-s. Jam i lumtur që ndajmë një vizion të përbashkët për një të ardhme të ndërtuar mbi paqe, stabilitet dhe prosperitet në rajon”, deklaroi Zheljazkov.

• Kryetarja e parlamentit të Shqipërisë Elisa Spiropali është duke bërë një vizitë zyrtare në Bullgari

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BTA