Presidenti Rumen Radev komentoi para gazetarëve mbi tensionin në shoqëri në muajt e fundit, protestat kundër euros dhe gjendjen e drejtësisë në vendin tonë.
"Sheshet janë plot. Bullgarët po protestojnë kundër refuzimit të një referendumi dhe futjes së euros pa kushtet dhe përgatitjet e nevojshme.
Në këtë sfond, mijëra qytetarë po protestojnë kundër drejtësisë selektive, kur organet e zbatimit të ligjit hetojnë pa mëshirë opozitën, por heshtin plotësisht për ata që janë në pushtet", tha presidenti për mediat gjatë vizitës së tij në uzinën ushtarake “Arsenal” në Kazanllëk, ku u takua me menaxhmentin e ndërmarrjes dhe u njoh me perspektivat e zhvillimit të uzinës.
Radev theksoi se menjëherë pas njoftimit të raportit të konvergjencës mbi gatishmërinë e Bullgarisë për të hyrë në eurozonë, të dhënat statistikore kanë regjistruar një rritje të çmimeve. Sipas presidentit, për momentin, mbledhja në anën e të ardhurave të buxhetit po ngadalësohet në mënyrë drastike, investimet janë në një nivel rekord të ulët dhe prodhimi industrial po shembet.
Lidhur me arrestimin e kryetarit të bashkisë së Varnës, Bllagomir Kocev, kreu i shtetit deklaroi: “Të gjithë mund ta shohin se demokracia në vendin tonë është një fasadë, qeveria është një dekor për dyshen Peevski-Borisov dhe drejtësia është selektive.”
Redaktoi: Miglena Ivanova
Përgatiti në shqip dhe publikoi: Vesella Mançeva
Foto: BTA
Masat fiskale godasin familjet në Rumani në sfondin e një deficiti rekord Rumania po hyn në një periudhë të vështirë ekonomike dhe komentuesit parashikojnë që kriza do të zgjasë të paktën një vit. Që nga 1 gushti i këtij viti, në vend hyrën..
Në Prokurorinë e Qytetit të Sofjes u hap një hetim para-gjyqësor në lidhje me vdekjen e kapitenit Marin Marinov, njofton BTA, duke iu referuar organit të akuzës shtetërore. Hetimi u hap më 19 maj pas një sinjali nga avokati Minço Spasov dhe ka të bëjë..
Personalitete publike kërkuan nga shteti të marrë një qëndrim për situatën në Gaza. "Ndërkohë që në Gjykatën Ndërkombëtare të Drejtësisë pranë OKB-së po zhvillohet një proces mbi akuzat për gjenocid, Bullgaria nuk ka të drejtë morale të heshtë apo të..