Një histori e freskët verore, pakohësi dhe një tingull elegant etnik - kjo është "Graniti i Zi", kënga e re nga Vlladimir Ampov - Grafa. Kënga shoqërohet nga një videoklip i xhiruar në film 16 mm - një zgjedhje krijuese me të cilën ekipi kthehet në mënyrë të vetëdijshme në pamjen autentike të kinemasë.
Stilistikisht, pjesa përshtatet në valën aktuale të "garagepop" - duke kombinuar butësinë nostalgjike me energjinë e freskët dhe bashkëkohore. Muzika është nga Grafa dhe Denis Popstoev, i cili ka bërë edhe aranzhimin, tekstet janë shkruar nga Nika, dhe vokalet interpretohen gjithashtu nga trioja "Fida", të cilët nuk pushojnë së na kujtuari sa i bukur dhe i butë është folklori bullgar.

Që nga dëgjimi i parë i albumit të ri të Grafës "Sinergjia", regjisori i videos, Kris Zahariev, e imagjinon këngën "Graniti i Zi" si një film të shkurtër veror - të gjallë, të ngrohtë dhe natyral. "Shpresoj që kur shikuesit ta shikojnë videon, të ndiejnë atë shkujdesje rinore që na kujton se edhe nëse jeta na paraqet surpriza, gjërat bien në vendin e tyre", thotë Kris. Dhe Grafa shton: "Kënga mbart një përzierje interesante të dritës, romancës dhe thellësisë - kjo është pikërisht ajo që donim të kapnim."
“Graniti i Zi” do të interpretohet edhe në koncertin e madh që Grafa po përgatit në Sofje më 13 nëntor 2025.
Më shumë për Grafa mund të lexoni dhe dëgjoni në postimet e mëposhtme nga koleksioni i Radio Bullgarisë:
Redaktoi: Diljana TraçevaPërgatiti në shqip dhe publikoi: Vesella Mançeva
Foto: facebook.com/Grafa.Official, YouTube/@vladimirampovgrafa
Papi Hans po ngroh vjeshtën e ftohtë me këngën e tij të re me ritme latine “E pafajshme”. Ajo vjen pas një serie baladash dhe është kënga e parë nga albumi i tij i ardhshëm, i cili do të quhet simbolikisht “Dielli”. Sipas këngëtarit, ky do të..
"Festivali Evropian i Muzikës" në Sofje ofron disa ngjarje të spikatura për adhuruesit e muzikës në serinë vjeshtore të edicionit të tij të 25-të. Nga mesi i tetorit deri më 2 dhjetor 2025, do të zhvillohen koncerte me programe interesante dhe..
Më shumë për Emanuill Manollovin mund të lexoni në arkivin e Radio Bullgarisë : 155 vjet nga lindja e atit të operës bullgare Emanuill Manollov Përgatiti në shqip dhe publikoi: Vesella Mançeva Foto : Wikimedia Commons, Dimitër..
Dyshja e njohur së fundmi "Molec" do të prezantojë albumin e saj të ri "Paraklis" (“Kishëza”) me dy koncerte në Sallën 1 të Pallatit Kombëtar të Kulturës..
Grupi JazzBoree vazhdon linjën e përzierjes së folklorit bullgar me mjete shprehëse tipike të xhazit. Muzikantët e formacionit gjejnë kryqëzimin midis..