Dashuria për folklorin bullgar bashkon turistë nga tre kontinente në një tur kulturor të rajonit të Silistrës. Një nga ndalesat për mysafirët nga SHBA-ja, Kanadaja dhe Australia, të tërhequr nga magjia e traditës bullgare, është fshati Profesor Ishirkovo me atmosferën e tij autentike, njoftoi korrespondentja e BNR-së Nezabravka Kirova. 

Qëllimi i tyre është të njihen me folklorin bullgar jo vetëm përmes vallëzimit, por edhe përmes kontaktit të drejtpërdrejtë me komunitetet lokale, tha Nina Kavarxhikova, e cila është koreografe që ka jetuar në SHBA dhe tani punon në Holandë, ku drejton kurse vallesh popullore si për bashkatdhetarë, ashtu edhe për të huaj. 

Në fshatin Profesor Ishirkovo, mysafirët amerikanë u pritën në qendrën vendase kulturore "Prosveta - 1907" me bukë dhe kripë - siç dikton tradita. Një grup folklorik për fëmijë dhe të rritur nga fshati mori pjesë në programin festiv. Këngë tingëlluan, valle popullore u luajtën. Rreth gjysma e pjesëmarrësve në turin kulturor kanë ardhur në vendin tonë më parë, duke njohur rajone të tjera të Bullgarisë. 

Lexoni më tepër në arkivin tonë:

• Fabrice Petit - një muzikant i huaj i dashuruar me muzikën folklorike bullgare

• Esther Willems - një koreografe nga Haga, sipas së cilës shpirti i bullgarit është i injektuar në valle

• "Hem është e qetë dhe melankolike, hem është e egër dhe të bën të kërcesh" – Ingrid nga Holanda për muzikën tonë

Foto: Nezabravka Kirova

Përgatiti në shqip dhe publikoi: Vesella Mançeva