Deri më 29 gusht 2025, banorët e Varnës dhe mysafirët e qytetit të Detit të Zi mund të vizitojnë ekspozitën udhëtuese "Gjurmët e Zhdukjes" në Muzeun e Historisë Natyrore në qytet. Ekspozita është pjesë e një fushate kushtuar ruajtjes së specieve të rralla dhe të rrezikuara të kafshëve në Bullgari. Janë paraqitur kallëpe të detajuara të gjurmëve nga kafshë të rrezikuara. Çdo gjurmë tregon një histori – jo vetëm për vetë llojin, por edhe për mënyrën se si aktiviteti njerëzor po ndryshon habitatet e tyre.

Këto janë gjurmët e këmbëve të ariut të murrmë, bizonit evropian, kalit të egër, ujkut, dhisë së egër, muflonit, drerit lopatar, rrëqebullit, skifterit të gjuetisë dhe shkabës. 

Ideja e ekspozitës, e cila tashmë ka vizituar një numër qytetesh në vend, është të angazhojë më shumë njerëz me temën e ruajtjes së jetës së egër, raporton BNR Varna. 

Ekspozita mund të shihet edhe virtualisht KËTU.

Lexoni më tepër në arkivin e Radio Bullgarisë:

• Rrethi i Jetës: Si Rodopet Lindore u bënë një model për një ekosistem të rimëkëmbur

• Në Bullgari mund të vëzhgojmë 70% të të gjitha llojeve të shpendëve në Evropë

• Bullgaria është ndër destinacionet TOP për vëzhgimin e shpendëve në Evropë

• WWF feston ditëlindjen e skuadrës së saj të arinjve me një festë bamirësie

• Çfarë është Rewilding dhe si bota e egër e Rodopeve Lindore zgjohet për një jetë të re

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: museumvarna.com