“Industria bullgare e mbrojtjes, e cila ka provuar cilësinë e saj dhe ka marrë njohje ndërkombëtare, ofron mundësi të shkëlqyera për krijimin e partneriteteve të suksesshme dhe thellimin e bashkëpunimit dypalësh me Vietnamin në fushën e sigurisë.” Kjo u deklarua nga Presidenti Rumen Radev gjatë vizitës së tij në kompaninë bullgare “Samel 90” së bashku me Sekretarin e Përgjithshëm të Komitetit Qendror të Partisë Komuniste të Vietnamit To Lam, i cili ndodhet në një vizitë zyrtare në vendin tonë, dhe delegacionin e udhëhequr prej tij, njoftoi shërbimi i shtypit i kreut të shtetit.
Gjatë vizitës, u prezantuan bllokues radioje, sisteme ajrore pa pilot, sisteme anti-dronë dhe automjete të blinduara të prodhuara nga kompania. Përveç kësaj, Rumen Radev dhe To Lam biseduan me menaxhmentin e kompanisë.
Vizita e To Lam është me rastin e 75-vjetorit të vendosjes së marrëdhënieve diplomatike midis dy vendeve dhe është pjesë e turneut evropian të udhëheqësit vietnamez.
Sekretari i Përgjithshëm i Komitetit Qendror të Partisë Komuniste të Vietnamit, To Lam, u takua gjithashtu me Kryeministrin Rosen Zheljazkov. “Bullgaria është partneri i parë strategjik i Vietnamit në Ballkan”, tha ai.
Politikani vietnamez theksoi rëndësinë e ngritjes së marrëdhënieve midis dy vendeve në nivelin e partneritetit strategjik – një fazë e rëndësishme, sipas fjalëve të tij, historike që do t'i japë një shtysë të fortë partneritetit midis Bullgarisë dhe Vietnamit. To Lam kujtoi gjithashtu se Bullgaria ishte një nga vendet e para që vendosi marrëdhënie diplomatike me Vietnamin.
Lexoni për vizitën e presidentit Rumen Radev në Vietnam në fund të vitit 2024:
Lexoni më shumë për marrëdhëniet bullgaro-vietnameze nga koleksioni i Radio Bullgarisë:
Përgatiti në shqip dhe publikoi: Vesella Mançeva
Foto: Presidenca, BTA
Komisioni Evropian vlerësoi përparimin e Malit të Zi drejt BE-së Maqedonia e Veriut ka nevojë për veprime vendimtare dhe reforma për të filluar negociatat me BE-në, thuhet në raportin vjetor të Komisionit Evropian për përparimin e vendeve..
“Konvulsione para Multipolaritetit – koha kur iluzionet janë të shenjta, ndërsa e vërteta është herezi” – ky është titulli i një libri të ri, i cili do të prezantohet zyrtarisht në fillim të nëntorit në Sofje. Libri trajton agoninë e botës unipolare,..
Serbët në mbarë botën shënojnë 1 vjetorin e tragjedisë në Novi Sad Më 1 nëntor, serbët që jetojnë jashtë vendit do t’i bashkohen thirrjes së studentëve në Serbi për të shënuar përvjetorin e shembjes së strehës së stacionit hekurudhor në Novi..
Vranësira të dendura me shi
Vranësira të dendura
Vranësira
Reshje shiu/dëbore
Vranësira