Banka Popullore Bullgare raporton një rritje të mprehtë të depozitave të reja të familjeve. Veçanërisht i theksuar është rritja e depozitave në euro. Vetëm për një muaj janë depozituar në llogari me afat shuma me vlerë 334 milionë leva (mbi 161 milionë euro). Kjo është 57% më shumë se në gusht dhe 26% më shumë se në shtator 2024.
Njerëzit po nxitohen të depozitojnë edhe levat që i mbajnë në dorë. Kjo do t’i ndihmojë gjatë konvertimit në euro, pasi bankat do ta kryejnë automatikisht më 1 janar, pa komisione. Në shtator, familjet kanë depozituar në banka 325 milionë leva (157 milionë euro), që është 27% më shumë se në shtatorin e vitit 2024. Ky proces është përshpejtuar që nga fillimi i qershorit, kur Bullgaria mori raporte pozitive për anëtarësimin në eurozonë. Atëherë bankat hoqën përkohësisht tarifat për depozitimin e levave.
Me rritjen e shumës së levave të depozituara në banka, po ulen normat e interesit për monedhën kombëtare. Nëse një vit më parë fitimi mesatar ishte mbi 1% në vit, tani ai është 0.8%. Për llogaritë në euro, interesat janë më të larta – në shtator, norma mesatare vjetore ishte 1.31%.
Redaktoi: Ivo Ivanov
Përgatiti në shqip dhe publikoi: Svetllana Dimitrova
Foto: BGNES
“Të gjitha frikët për futjen e euros do të kapërcehen brenda një ose dy muajsh pas 1 janarit 2026, pas së cilës do të duhet të kombinojmë përfitimet.” Kjo u tha nga Zëvendëskryeministri Tomisllav Donçev në një takim informues mbi futjen e euros në..
Ministria e Punës dhe Politikës Sociale propozon që nga viti i ardhshëm paga minimale të bëhet 1213 leva ose 620,20 euro – 136 leva më shumë se aktualisht (1077 leva), deklaroi ministri i punës dhe politikës sociale, Borisllav Gucanov, pas mbledhjes së..
Instituti kanadez "Fraser" i ka dhënë Bullgarisë një vlerësim prej 7.13 pikësh (nga maksimumi 10) në renditjen “Liria ekonomike në botë, 2025”. Me këtë rezultat, vendi renditet në vendin e 56-të nga gjithsej 165 shtete, duke u pozicionuar mes Greqisë..
Pjesërisht me re
Mot i kthjellët