“Nuk çuditem që u hodh poshtë veton e presidentit lidhur me shitjen e aktiveve të “Lukoil”, sepse edhe në këtë temë kaq delikate, serioze dhe shqetësuese nuk pati asnjë argument apo diskutim”, tha nënpresidentja Ilijana Jotova para gazetarëve në qytetin Levski, raporton BTA. “Ky është një qëndrim ndaj institucionit presidencial, por është gjithashtu një qëndrim ndaj shtetit”, komentoi më tej Jotova. Sipas saj, deri më tani as ministri i energjetikës, as kryeministri, as ndonjë nga shumica qeverisëse nuk i ka qetësuar qytetarët bullgarë se nuk do të ketë problem me karburantet. Ajo theksoi se nuk dihet çfarë do të ndodhë me rafinerinë, nga ku dhe si do të vijnë furnizimet e reja, çfarë masash do të merren për të mos u rritur çmimet e produkteve të naftës dhe cili do të jetë fati i mijëra njerëzve që punojnë në rafineri. Jotova e përcaktoi procesin rreth rafinerisë si jotransparent, ku synohet që ajo të shitet tek persona të afërt me qeverinë, por që kanë probleme me pronësinë.

• Deputetët hodhën poshtë veton e presidentit mbi Ligjin për Investimet

Redaktoi: Miglena Ivanova

Përgatiti në shqip dhe publikoi: Svetllana Dimitrova

Foto: BTA